2 SAMUEL 6:19 - BIBEL JAMITA NA DENGGAN

¹⁹ lalu dibagi-bagihon ia ma panganon tu halahi sude. Sandok halaklahi dohot dadaboru na adong disi dilehen ma sada be roti, santanggo be juhut na ditutung dohot kue na hiang saotik be. Dung sidung i, marmulahan ma halahi sude tu bagasna be.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

Dung sidung sudena i, dipasupasu ia ma halak Israel mangasahon goar ni Tuhan Na Markuaso i,

2 SAMUEL 6:20

Di na mulak si Daud tu bagas godang laho manjalangi isi ni bagasnia, ruar ma si Mikal mandapotkon ia jana didok ma, “Anggo sadari on antong tutu ma na marsangap raja ni Israel i dibaen ia sandiri! Jabat do antong marsaemara ia songon halak na bodo di jolo ni angka hatoban dadaboru dohot angka pagawe bagas godang i!”

1 RAJA-RAJA 8:66

Di ari pasalapankon diloas si Salomo ma marmulahan jolma i. Sude halahi mandok horas tusia lalu mulak be tu bagasna mardongan jop ni roha, hara ni pasupasu na nilehen ni Tuhan tu naposoNa si Daud dohot tu bangsoNa Israel.

1 JUJUR TAON 16:3

lalu dibagi-bagihon ia ma panganon tu halak sude. Sude halak na adong disi maruli roti, juhut panggang dohot kue kismis.

1 JUJUR TAON 16:43

Dung i mulak be ma sude jolma i tu bagasna be. Songon i muse si Daud mulak ma ia mangaligi dongan sabagasnia.

2 JUJUR TAON 30:24

Disumbangkon Raja Hiskia ma saribu lombu jantan dohot pitu ribu biri-biri jana ia dohot angka pagawai ni si Hiskia manyumbangkon 1.000 lombu jantan dohot 10.000 biri-biri. Dilehen ma sude pahan-pahanan i tu rayat i anso disambol jana dipangan. Bahat sajo do malim na mangias dirina.

2 JUJUR TAON 7:10

jana ancogotna i, i ma di tanggal dua pulu tolu bulan pitu, disuru si Salomo ma halahi mulak. Marmoga-moga ma halahi hara ni sude na denggan na nibaen ni Tuhan tu bangsoNa Israel, tu si Daud dohot tu si Salomo.

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

ENDE NA GODANG 2:5

Sai ra ma ho margogoihon au, marhite manisan ni batu ni anggur. Patogar ma au dohot angka parbatu, angke marnyae lungun jana gale do au.

JEHESKIEL 45:17

Angkon paradeonnia do pahan-pahanan baen haul situtungon songon i angka sipakeon baen tu haul gandum dohot haul anggur di sude bangso Israel muda dapot di ari pesta Bulan Na Imbaru, di Ari Sabat dohot angka ari pesta na asing i. Angkon paradeonnia do haul hasesaan ni dosa, haul gandum, haul situtungon, dohot haul pardamean laho mangido anso diampuni bangso Israel.”

HOSEA 3:1

Didok Tuhan ma tu au, “Kehe ma ho mangulahi jana haholongi ma sada nari dadaboru panggampang. Haholongi ma i laing songon pangkaholongingKu di halak Israel haru pe ditadingkon halahi Au jana marsomba halahi tu angka debata boti sai dihaulkon halahi roti kismis tu gana-ganaan.”

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

EPESUS 4:8

Di Buku Na Badia i tarsurat do, “Dompak na manaek i Ia tu inganan na gumincat, dioban Ia do bahat na tartaban; jana diparbagihon Ia do angka silehen-lehen tu jolma.”

JOSUA 22:6

Dung i disuru si Josua ma halahi mulak jana dipasupasu ia. Jadi mulak ma halahi tu parbandaranna.