2 SAMUEL 6:14 - BIBEL JAMITA NA DENGGAN

¹⁴ Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

2 SAMUEL 6:14 ပူးပေါင်းရင်းမြစ်များ

2 SAMUEL 6:15

Songon i ma pangalahona si Daud dohot rayat Israel sudena mamindahon Poti Parjanjian i tu Jerusalem mardongan surak-surak dohot sora ni sarune.

2 SAMUEL 6:20

Di na mulak si Daud tu bagas godang laho manjalangi isi ni bagasnia, ruar ma si Mikal mandapotkon ia jana didok ma, “Anggo sadari on antong tutu ma na marsangap raja ni Israel i dibaen ia sandiri! Jabat do antong marsaemara ia songon halak na bodo di jolo ni angka hatoban dadaboru dohot angka pagawe bagas godang i!”

1 JUJUR TAON 15:27

Dipake si Daud ma disi baju juba na sian abit linen, songon i dohot angka parmusik bope si Kenanya pamimpin ni halahi i rap dohot halak Levi na maroban Poti Parjanjian i. Laing dipake si Daud muse do baju Efod.

MASMUR 149:3

Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 150:4

Puji ma Ia mardongan angka tortor dohot tambor, puji ma Ia mardongan suling dohot tulila!

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

MASMUR 87:7

Manortori ma halahi jana marendei, “Di Sion do dapot mual ni pasupasu di hami!”

HARURUAR 15:20

Dung i dibuat si Miryam, i ma sada panurirang, iboto ni si Harun ma rapanonia jana sude dadaboru rap mamalu rapano lalu manortor.

HARURUAR 15:21

Marende ma si Miryam di halahi, “Marende ma di Tuhan, dibaen tarlobi do hamonanganNia kudo dohot na manenggetsa diambungkon Ia tu bagasan laut.”

HARURUAR 19:6

tapi hamu ma na gabe songon malim na mangoloi Raja i, bangso na badia. On do angka hata sidohononmu tu angka halak Israel.”

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JEHESKIEL 46:10

Angkon rap masuk do parkuaso rap dohot rayat i tu Bagas Ni Tuhan i jana parmulakna pe angkon rap do.

LUKAS 15:25

Topet do di ladang hatiha i anakna siangkaan i. Jadi di na mulak ia, dung donok tu lambung ni bagas i, dibege ia ma na marende dohot angka na manortor.

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

KOLOSSE 3:23

Sanga karejo aha pe dipasahat tu hamu, karejohon hamu ma i sian sude rohamunu songon na patupahon tu jolo ni Tuhan, nada songon na patupahon tu jolma.

HAKIM-HAKIM 11:34

Di na mulak si Jefta tu Mispa, ro ma borunia mangalo-alo ia manortor lalu mamake rapano. Sasada i do dakdanaknia.

HAKIM-HAKIM 21:21

jana marjago-jago ma hamu disi. Jadi muda haruar angka bujing-bujing ni Silo laho manortor salolot Pesta Taonan di Tuhan, angkon ruar ma hamu sian angka kobun anggur i. Jadi angkon marsilojongkon ma sada be bujing-bujing i sian halahi jana dioban ma tu Luat Benyamin anso dibaen ripemunu be.

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.

1 SAMUEL 22:18

Jadi gabe didok si Saul ma tu si Doeg, “Aha dope, ho sajo ma mamunu halahi!” Jadi ro ma si Doeg lalu dibunu ia ma angka malim i. Di na sadari i dimatehon ia ma salapan pulu lima halak malim na marhak maroban Efod.