2 SAMUEL 5:9 - BIBEL JAMITA NA DENGGAN

⁹ Tulus do tarrampas si Daud benteng Sion i lalu diingani ia. Dibaen ia ma goarna, “Kota Ni si Daud.” Dipature ia ma kota i humaliang benteng i, mamungka sian Habincaran ni tor na nitimbun dohot tano.

2 SAMUEL 5:9 ပူးပေါင်းရင်းမြစ်များ

2 SAMUEL 5:7

Tapi ditaluhon si Daud do benteng Sion, jadi digoari ma i muse “Kota Ni si Daud”.

2 SAMUEL 5:8

Didok si Daud ma tu parangannia i, “Adong dehe dison halak na margoyak ni roha mida halak Jebus songon goyak ni rohangkon? Tuk do goyak ni rohana laho mamunu halahi? Anggo songon i, masuk ma sian bubusan ni aek jana niporangan ma angka jolma na mapitung dohot na matimpang na huhagigihon i.” (I ma dalanna umbaen didok halak, “Nada tola halak na mapitung dohot na matimpang masuk tu Bagas Ni Tuhan.”)

2 SAMUEL 6:10

Jadi gabe diputuskon noma na so obanon be Poti i tu Jerusalem, tapi dipasimpan noma di bagas ni si Obed-Edom, halak na lolot maringanan di kota Gat.

1 RAJA-RAJA 11:27

Barita taringot tu si Jerobeam na mangalo noma na mangihut on. Dompak manimbun tano na di Habincaran ni Jerusalem dohot na padenggan-denggankon angka tembok ni kota i,

1 RAJA-RAJA 2:10

Dung i marujung ma ngolu ni si Daud jana dikuburkon di Kota Ni si Daud.

1 RAJA-RAJA 9:15

Karejo paksa do dibaen Raja Salomo di na pajongjong Bagas Ni Debata dohot bagas godang ni raja i, benteng ni kota i bope dohot manimbun tano sabola Selatan ni kota i. Dos do pangalahona dibaen ia di na pajongjong kota Hasor, Megido dohot Geser. (

1 RAJA-RAJA 9:24

Tano na di Habincaran ni kota i ditimbun si Salomo do i dung mimbar daborunia boru ni raja Mesir i sian Kota Ni si Daud tu bagas ni raja na nipajongjong ni si Salomo disia.

1 JUJUR TAON 11:8

Dibangun ia ma kota i humaliang, mamungka sian Habincaran ni dolok na nitimbun i dohot tano. Si Joab do na pasidungkon pambangunan ni kota i.

2 JUJUR TAON 32:5

Jadi dipatogu raja i ma partahanan ni kota i marhite na padenggankon tembokna, pajongjongkon angka palas-palas dohot na mambangun tembok parruar. Tamba ni i dipadenggan ia dope benteng na dipajongjong di ginjang ni tano timbunan na di sabola Habincaran ni kota na lolot na di Jerusalem. Laing disuru ia dope paulion bahat sajo tombak dohot parince.

NEHEMIA 3:15

Si Salum anak ni si Kolhose, parkuaso ni distrik Mispa: Pintu Horbangan Mata Mual dohot tarupna, angka pintu, angka baut dohot angka palangna. Dohot muse tembok ni Tobat Selah na di lambung ni taman bagas godang lopus tu tangga-tangga panuatan sian Kota Ni si Daud.

MASMUR 122:3

Jerusalem na nibangun mangulahi, marbanjar jeges jana taratur.

JESAYA 29:1

Marjaya ma kota Jerusalem na nigoaran langgatan ni Debata! Marjaya ma kota parundung-undungan ni si Daud! Padiar ma margonti-gonti taon tu taon songon i dohot angka pesta-pestana.

HAKIM-HAKIM 9:20

Tapi anggo na so songon i do pangalahona, sai ruar ma nian api na manyurbu sude halak Sikem dohot Bet-Milo. Jana sai ruar muse ma nian api sian halak Sikem dohot Bet-Milo manutung sude si Abimelek.”

HAKIM-HAKIM 9:6

Jadi marlagut ma sude halak Sikem dohot Bet-Milo, lalu kehe tu bona ni sampinur parbeguan na di Sikem. Ditabalkon halahi ma disi si Abimelek gabe raja.