2 SAMUEL 5:7 - BIBEL JAMITA NA DENGGAN

⁷ Tapi ditaluhon si Daud do benteng Sion, jadi digoari ma i muse “Kota Ni si Daud”.

2 SAMUEL 5:7 ပူးပေါင်းရင်းမြစ်များ

2 SAMUEL 5:8

Didok si Daud ma tu parangannia i, “Adong dehe dison halak na margoyak ni roha mida halak Jebus songon goyak ni rohangkon? Tuk do goyak ni rohana laho mamunu halahi? Anggo songon i, masuk ma sian bubusan ni aek jana niporangan ma angka jolma na mapitung dohot na matimpang na huhagigihon i.” (I ma dalanna umbaen didok halak, “Nada tola halak na mapitung dohot na matimpang masuk tu Bagas Ni Tuhan.”)

2 SAMUEL 5:9

Tulus do tarrampas si Daud benteng Sion i lalu diingani ia. Dibaen ia ma goarna, “Kota Ni si Daud.” Dipature ia ma kota i humaliang benteng i, mamungka sian Habincaran ni tor na nitimbun dohot tano.

2 SAMUEL 6:10

Jadi gabe diputuskon noma na so obanon be Poti i tu Jerusalem, tapi dipasimpan noma di bagas ni si Obed-Edom, halak na lolot maringanan di kota Gat.

2 SAMUEL 6:12

Tarbege ma tu si Daud na dipasupasu Tuhan do si Obed-Edom dohot sude sinadongannia hara ni Poti Parjanjian i. Jadi kehe ma ia tu bagas ni si Obed-Edom jana dipaimbar ia ma Poti i tu Jerusalem mardongan horja godang.

2 SAMUEL 6:16

Dompak na maroban Poti i masuk ma tu bagasan kota i, manungkir ma si Mikal boru ni si Saul i sian jandela, diida ia ma Raja Daud marhujingjang dohot manortori laho pasangapkon Tuhan, jana gigi ma roha ni si Mikal mida si Daud.

1 RAJA-RAJA 2:10

Dung i marujung ma ngolu ni si Daud jana dikuburkon di Kota Ni si Daud.

1 RAJA-RAJA 3:1

Dibaen si Salomo ma raja Mesir gabe donganna, dibuat ia ma boru ni raja Mesir i gabe dongan saripenia. Diboan si Salomo ma boru i tu Kota Ni si Daud, tinggal disi ma ia lopus sidung dipauli bagas ni raja i bope Bagas Ni Debata dohot benteng humaliang Jerusalem.

1 RAJA-RAJA 8:1

Dung i disuru Raja Salomo ma angka hatobangan ni ganop marga ni Israel ro manopot ia di Jerusalem laho mangalap Poti Parjanjian ni Tuhan i sian Sion, Kota Ni si Daud, anso dioban tu Bagas Ni Debata.

1 RAJA-RAJA 9:24

Tano na di Habincaran ni kota i ditimbun si Salomo do i dung mimbar daborunia boru ni raja Mesir i sian Kota Ni si Daud tu bagas ni raja na nipajongjong ni si Salomo disia.

2 JUJUR TAON 24:16

Dikuburkon di kuburan ni raja-raja i do ia di Kota Ni si Daud laho marningot angka jasania tu Debata, tu Bagas Ni Debata dohot tu bangso Israel.

2 JUJUR TAON 5:2

Dung i disuru Raja Salomo ma sude pamimpin ni marga dohot horong sian bangso Israel anso ro tu Jerusalem laho mangalap Poti Parjanjian ni Tuhan i sian Sion, Kota Ni si Daud, jana marobansa tu Bagas Ni Debata.

NEHEMIA 3:15

Si Salum anak ni si Kolhose, parkuaso ni distrik Mispa: Pintu Horbangan Mata Mual dohot tarupna, angka pintu, angka baut dohot angka palangna. Dohot muse tembok ni Tobat Selah na di lambung ni taman bagas godang lopus tu tangga-tangga panuatan sian Kota Ni si Daud.

MASMUR 132:13

Dibaen madung dipili Tuhan Sion; giot ni rohaNia maringanan Ia disi.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 48:12

Haliangi ma Sion jana bolusi, jana etong ma palas-palasna i.

MASMUR 48:3

Pandok ni Debata, sonang do rap dohot Ia, di bagasan angka benteng ni kotaNia.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

MASMUR 87:2

Sian sasude kota na diingani ni si Jakob Sion do na umbahat dihaholongi Tuhan.

MASMUR 9:11

Debata na mamarenta di Sion, Ia do sipujion! Paboa ma pambaenanNia tu sude bangso.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 59:20

Didok Tuhan ma tu bangsoNia, “Ro noma Au tu Sion laho mangondihon dohot paluahon hamu sude na paubahon roha sian angka dosamunu.

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

MIKA 4:2

dokkonon ni halahi sudena ma, “Manangkok ma hita tu dolok ni Tuhan tu Bagas Ni Debata na nisomba ni Israel bangsoNa! AjarkononNia ma tu hita sanga aha na patut baenonta. Ihutkononta ma dalan na nipiliNia. Angke sian Sion do haroro ni pangajaran, jana hata ni Tuhan sian Jerusalem.”

SURAT NI SI PAULUS TU PARLAGUTAN ROM 9:33

Songon na tarsurat i, “Ligi da, Hupayakkon do di Sion sada batu partuktuhan dohot sada batu pardandian, jana barang ise na porsaya diSia, nada dipaila be.”

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

HALUMBAAN 14:1

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.