2 SAMUEL 5:12 - BIBEL JAMITA NA DENGGAN

¹² Dung i torang ma diboto si Daud na dung ditotopkon Tuhan do ia hape gabe raja ni Israel jana makmur harajaannia i dibaen laho manyarihon bangsoNa i.

2 SAMUEL 5:12 ပူးပေါင်းရင်းမြစ်များ

2 SAMUEL 5:11

Ditongos Raja Hiram na sian Tirus do utusan parboniagaon tu si Daud. Dipasingkop si Hiram do di si Daud hayu sampinur Libanon rap dohot angka tukang hayu dohot angka tukang batu laho pajongjong bagas godang.

2 SAMUEL 5:13

Dung bungkas si Daud sian Hebron tu Jerusalem dibuat ia dope sanga na piga halak nari boru dohot rading jana sorang dope angka anak dohot borunia.

2 SAMUEL 7:16

Angkon tongtong do adong pomparanmu, jana baenonKu harajaanmu martahan salolot-lolotna. Na so ra marujung do harajaanmu?’ ”

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

1 JUJUR TAON 14:2

I ma na paposkon roha ni si Daud paboa na dung dipatogu Tuhan parjuguknia gabe raja ni Israel jana marsonang-sonang harajaannia dibaen hara ni bangso ni Tuhan.

2 JUJUR TAON 2:11

Songon balosan ni surat ni Raja Salomo i, ditongos Raja Hiram ma surat, songon on hatana, “Hara ni holong ni roha ni Tuhan di bangso ni tuan i, diangkat Ia do tuan i gabe raja.

ESTER 4:14

Sanga na bia pe dalanna pasti maruli partolongan do halak Jahudi, anso malua halahi. Tapi anggo laing hohom do ho di bagasan pangalaho na songon on, ho sandiri pe mate do jana abis ma barita ni keluarga ni amangmu. Ise he umboto i, betak hara ni haporluan di angka hatiha na songon on do antong umbaen na hona pili ho gabe ratu!”

DANIEL 2:30

Saonnari madung dipataridahon tu au rahasia i, nada hara ni na ummalo au sian angka na asing i, tapi anso bisa do botoon ni raja i taringot tu nipi ni raja i jana anso bisa diastui raja i taringot tu angka pikiran na ro tu raja i sandiri.

BILANGAN 24:7

Manyimbur same tubu di ladang, ditombur udan, aekna nada hurang. Rajana na sangap, nada adong tudosanna, lopus tu na dao do na dirajaisa.