2 SAMUEL 4:8 - BIBEL JAMITA NA DENGGAN

⁸ Dung i dipasahat halahi ma ulu ni si Isboset i tu si Daud di Hebron mardongan hata, “On ma ulu ni si Isboset anak ni si Saul musu ni raja i na sai marpupu giot mamunu raja i. Sadari on ma dibaloskon Tuhan tu raja i pangalaho ni si Saul dohot pomparanna.”

2 SAMUEL 4:8 ပူးပေါင်းရင်းမြစ်များ

2 SAMUEL 18:19

Dung i didok si Ahimaas anak ni si Zadok i ma tu si Joab, “Paloas ma au kehe marlojong mandapotkon raja i paboahon dohot maroban barita na denggan bahaso na dung dipalua Tuhan raja i sian musuna.”

2 SAMUEL 18:31

Dung i lalu ma naposo ni si Joab i, jana didok ia ma tu raja i, “Barita na denggan do na huoban di raja i! Di ari sadari on madung dilehen Tuhan di raja i hamonangan maradopkon halak na mambaen paraloan i.”

2 SAMUEL 2:8

Anggo si Abner anak ni si Ner, i ma panglima ni tentara ni si Saul i madung maporus dohot si Isboset anak ni si Saul tu Mahanaim.

2 SAMUEL 22:48

Ia do na mamolus hajahatan ni musungku, jana na manaluhon angka bangso di jolongku.

MASMUR 71:24

Sasadari giot hubaritahon do hatigoranMu, angke angka halak na giot manyusahon au, madung ditaluhon jana dipaili. jana talu musungku na mangago au.

MATEUS 2:20

Didok surusuruan i ma, “Jongjong ma ho! Buat ma Dakdanak i dohot inangNa i, oban ma halahi mulak tu tano Israel. Harana, ma mate angka halak na giot mamunu Dakdanak i.”

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”

1 SAMUEL 18:11

“Hupantikkon ma si Daud on tu dinding i!” ning rohania, lalu dipantomkon ia tombak i jabat dua noli tu si Daud, tapi sai tarciletkon si Daud antong.

1 SAMUEL 19:1

Didok si Saul ma tu si Jonatan anaknia i dohot tu sude pagawenia na giot bunuonnia si Daud. Tapi na holongan do roha ni si Jonatan tu si Daud,

1 SAMUEL 19:15

Tapi disuru si Saul ma halahi mangulahi tusi anso diligi mata ni halahi sandiri si Daud. Diparentahon ia, “Oban hamu ma ia tuson dohot podomanna i, anso hubunu.”

1 SAMUEL 20:1

Dung i lari ma si Daud sian Nayot jana kehe ma ia mandapotkon si Jonatan lalu manyapai, “Aha dehe salangku? Hajahatan dia do na hubaen jana apala aha do dosangku tu amanta umbaen na giot bunuonna au?”

1 SAMUEL 23:15

Tapi haru songon i pe laing mabiar do si Daud, hara ni niet ni si Saul na sai giot mamunu ia. Di sada hatiha, di Hores na di Parhorsihan Zip do si Daud.

1 SAMUEL 24:4

Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.

1 SAMUEL 25:29

Sugari sura adong sada halak na mangaroro mangalo tuan i jana na mancubo mamunu tuan i, ingkon do jagohonon ni Tuhan Debata tuan i songon arta na nijagohon ni nampunasa. Tapi anggo musu ni tuan i ambungkonon ni Tuhan do dao-dao, songon batu na didanggurkon dohot ambalang.