2 SAMUEL 4:7 - BIBEL JAMITA NA DENGGAN

⁷ Manigor masuk ma halahi tu bilik podoman ni si Isboset na sinok modom i, lalu disusuk halahi lopus mate. Dilobong halahi ma uluna i jana dioban halahi kehe. Saborngin maningting ma halahi mardalan mamolus Rura Jordan.

2 SAMUEL 4:7 ပူးပေါင်းရင်းမြစ်များ

2 SAMUEL 2:29

Saborngin maningting ma si Abner dohot parangannia i mardalan mamolus Rura Jordan lalu taripar di Batang aek Jordan i. Jana dung mardalan torus di ari na mangihut i, lalu ma halahi tu Mahanaim.

HARURUAR 8:3

Gok ma Batang aek Nil dohot tohuk, jabat marruaran binatang-binatang i sian aek i ro tu bagas godangmu, tu bilik dohot tu podomanmu, angka bagas ni menterimu dohot rayatmu, lalu dope tu inganan parmasahan ni roti dohot tu angka hudonmunu.

MATEUS 14:11

Dung i dioban ma ulu ni si Johannes i masuk, dibaen ma i tu talam laho mangalehen tu anak boru i. Dung i dipasahat anakboru i muse ma tu inangnia i.

1 SAMUEL 17:51

Dilojong si Daud ma mandapotkon halak Pilistin i, jongjong ma ia di lambungna i; dibuat ia ma podang ni si Goliat, disintak ia sian sarungna i, dung i diabisi ia. Digotap ia ma ulu ni si Goliat i dohot podang. Dung diida halak Pilistin i bahaso na dung mate juaro ni halahi, marlojong be ma halahi.

1 SAMUEL 17:54

Dibuat si Daud ma ulu ni si Goliat jana dioban ia ma i tu Jerusalem, tapi anggo angka sinjata ni si Goliat i di bandarnia sandiri do disimpan ia.

1 SAMUEL 31:9

Diponggol ma ulu ni si Saul jana dirampas halahi ma angka sinjatana i. Dung i disuru halak Pilistin ma utusan na maroban ulu ni si Saul i dohot baju porangna i tu sude Luat Pilistin laho palalu barita na denggan tu rayat dohot tu debata ni halahi.