2 SAMUEL 4:4 - BIBEL JAMITA NA DENGGAN

⁴ Adong do pahompu ni si Saul, i ma anak ni si Jonatan, na matimpang. Harana di na lalu barita taringot tu hamamate ni si Saul dohot si Jonatan sian kota Jisreel, diompa parorot i ma ia, jana marlojong tapi hara ni mopopna anakboru i, madabu ma dakdanak i jana gabe matimpang ma. Si Mefiboset do goar ni dakdanak i.

2 SAMUEL 4:4 ပူးပေါင်းရင်းမြစ်များ

2 SAMUEL 21:7

Tapi hara ni na dung marsumpa be si Daud dohot si Jonatan, nada dipasahat si Daud be anggo si Mefiboset anak ni si Jonatan i.

2 SAMUEL 9:13

Songon i ma dalanna si Mefiboset na pengkor i patna na dua i gabe maringanan di Jerusalem jana sai tongtong ma ia mangan di bagas godang.

2 SAMUEL 9:3

Dung i disapai raja i ma, “Adong dope he jolma na mangolu sian bagas ni si Saul? Por rohangku mambaen na denggan tu halahi nian, songon na dung hujanjihon tu Debata.” Dialusi si Ziba ma, “Adong dope sahalak nari anak ni si Jonatan. Na matimpang do i.”

2 SAMUEL 9:6

Si Mefiboset do goar ni anak ni si Jonatan i. Di na ro ia, manungkap ma ia pasangap si Daud. Dipangkulingkon si Daud ma ia mandok, “Mefiboset,” jana dialusi ia ma, “Olo rajanami.”

1 RAJA-RAJA 11:17

tapi anggo si Hadad na menek dope di hatiha i, kehe ma lari tu Mesir rap dohot piga-piga halak Edom, angka hatoban ni amangnia.

1 JUJUR TAON 8:34

Adong do anak ni si Jonatan na margoar si Meribaal, i ma amang ni si Mika.

1 JUJUR TAON 9:40

Adong do anak ni si Jonatan, goarna si Meribaal, i ma amang ni si Mika.

1 SAMUEL 29:1

Dipalagut halak Pilistin ma sude tentarana di Afek, jana halak Israel marbandar di lambung ni mual na di Rura Jisreel.

1 SAMUEL 29:11

Jadi hara ni i, sogot dope ancogotna i, kehe ma si Daud dohot parangannia i mulak tu Luat Pilistin tapi anggo parangan ni Pilistin i kehe ma tu Jisreel.