2 SAMUEL 4:11 - BIBEL JAMITA NA DENGGAN

¹¹ Umboratan dope uhuman na giot dabuhononku tu parjahat na mamunu halak na so marsala na topet modom di bagasna sandiri. Saonnari au manuntut pamaloson sian hamu hara ni pamunuon i, jana agohononku ma hamu sian sisik ni tano on!”

2 SAMUEL 4:11 ပူးပေါင်းရင်းမြစ်များ

PAMUNGKAAN 4:11

Hona bura ma ho, jana na so tola be ho mangkarejohon tano i. Madung diincop tano i mudar ni anggimi, songon na mungkap pamanganna manjagit mudar ni anggimi di na nibunumi ia.

PAMUNGKAAN 6:13

Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.

PAMUNGKAAN 7:23

Dipatimpas Tuhan sandok na mangolu di tano on – jolma, binatang dohot unggas. Hum si Noak ma i na so mate dohot sude na rap dohot ia di kapal i.

2 SAMUEL 16:8

Dibuat ho ma antong harajaan ni si Saul. Na dilehen Tuhan do harajaanmi tu anakmu si Absalom. Saonnari pe anso mago ho, pambunu!”

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 SAMUEL 3:39

Haru pe au on raja na nipili ni Debata, gale do pangkilalaanku sadari on. Makejamtu do angka anak ni si Zeruya on. Inda tuk gogongku mangatasi halahi. Sai Tuhan ma na manguhumi angka parjahat on, marguru tu pambaenan ni halahi i!”

1 RAJA-RAJA 2:32

Tuhan i do na manguhum ia hara ni pamunuon na nibaennia so sian pamotoan ni damang. Si Abner kapala ni tentara ni Israel dohot si Amasa kapala ni tentara ni Juda, nada marsala na dua i. Dumenggan dope halahi ulang si Joab, hape dibunu ia halahi.

MASMUR 109:15

Sai diingot Tuhan ma tongtong dosa ni halahi, anso ulang adong na mangingot halahi di tano on.

MASMUR 9:12

Diingot Ia do halak na tangis jana diparkanciti, jana diuhum Ia halak na mandondoni halahi.

HARURUAR 21:12

“Sanga ise na mamukuli halak jana mate, angkon mate niuhum.

HARURUAR 9:15

Sugari ra Au manguhumi ho dohot rayatmi markite nyae pasti gabe marmatean hamu sude.

PODA 2:22

Tapi anggo halak na jahat dohot parjehe paruaron do sian luat on, songon duhut na niumpat sian tano.

PODA 25:26

Halak na burju na patalu roha tu halak na jahat tudos ma i tu mual ni aek na horu sanga sumur na hodar.

JEREMIA 10:11

Hamu ale angka bangso, angkon paboaonmunu do tu halahi, sisegohonon do angka debata na so manompa langit dohot tano. Mago do halahi sian portibi on.)

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

HABAKUK 1:4

I do umbaen nada margogo be uhum jana hatigoran nada unjung dihajongjongkon. Sumurung ma halak na jahat maradopkon halak na burju, jadi gabe diputar-balikkon ma hatigoran.

1 JOHANNES 3:12

Nada songon si Kain, na ro sian na jahat jana na mambunu anggina. Hara ni aha ma lakna umbaen na nibununia i? Dibaen na jahat do pambaenannia i, tapi na tigor do na nibaen ni angginia i.