2 SAMUEL 3:9 - BIBEL JAMITA NA DENGGAN

⁹ Sai dimatehon Debata ma au, jana lumobi sian i, anggo so hudalankon janji ni Debata na tu si Daud i,

2 SAMUEL 3:9 ပူးပေါင်းရင်းမြစ်များ

2 SAMUEL 19:13

Laing disuru raja i muse dope halahi mulak tu si Amasa songon on, “Nada he donganku ho? Mamungka saonnari rasmi ma ho huangkat gabe panglima ni tentarangku manggontihon si Joab. Sai dimatehon Debata au, muda nada hupatulus i!”

2 SAMUEL 19:14

Songon i ma dibaen si Daud umbaen na gabe tarbuat ia roha ni sude halak Juda lopus manongos tona halahi tu raja i, anso mulak mangulahi tu bagas godang rap dohot sude pagawenia.

2 SAMUEL 3:35

Sadari i sai disosoi rayat i ma si Daud anso mangan saotik, tapi disumpahon ia do, “Sai dibunu Debata ma au muda mangan au painte so lusut mataniari.”

1 RAJA-RAJA 19:2

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”

1 RAJA-RAJA 2:23

Dung songon i hara ni Tuhan i marsumpa ma si Salomo, “Sai dibunu Tuhan i ma au, muda so hubunu si Adonia hara ni pangidoannia i.

1 JUJUR TAON 12:23

Dompak di Hebron si Daud, bahat do angka parporang na malo na ro mandongani si Daud. Diurupi halahi ma ia anso tarbaen gabe raja manggontihon si Saul, songon na nijanjihon ni Tuhan. Songon on ma bahat ni halahi: Juda: 6.800 halak singkop parince dohot hujurna. Simeon: 7.100 halak na gogo boti tongam. Levi: 4.600 halak. Joyada dohot anak buania pomparan ni si Harun: 3.700 halak. Zadok, doli-doli parporang na barani songon i dohot koum sisolkotna: 22 halak na tarpatujolo. Benyamin (marga ni si Saul): 3.000 halak. Umbahat dope nian sian Marga Benyamin na mangihut tu si Saul. Efraim: 20.800 halak na godang-godang sian horong ni halahi be. Manase Hasundutan: 18.000 halak na nitodo anso dohot kehe laho mangangkat si Daud gabe raja. Isakar: 200 halak pamimpin rap dohot na nipimpin ni halahi. Angka na malo do pamimpin on manontuhon sanga aha sibaenon ni rayat Israel di hatiha na tumbuk. Zebulon: 50.000 halak na malo mamake ragam-ragam ni sinjata jana na singkop tu porang; angka halak na burju-burju do halahi jana haposan. Naftali: 1.000 halak pamimpin rap dohot 37.000 halak parajurit na marparince dohot martombak. Dan: 28.600 halak na dung tarlatih. Aser: 40.000 halak na singkop tu porang. Angka marga na di Habincaran ni Batang aek Jordan, i ma Ruben, Gad dohot Manase Parhabincaran: 120.000 halak na dung malo mamake sude ragam ni sinjata.

RUT 1:17

Sanga na di dia marujung ngolu ni namboru, laing disi ma giotku mate dohot dikuburkon. Sai diuhumi Tuhan i ma au, lobi dope tehe sian i, muda adong sanga aha pe na manyirang au sian namboru, asing ni hamatean i!”

1 SAMUEL 14:44

Didok si Saul ma tusia, “Sai hona uhum ni Debata ma au anggo so mate hona uhum ho, Jonatan!”

1 SAMUEL 15:28

Dung i didok si Samuel ma tusia, “Sadari on ma disibakkon Tuhan harajaan Israel sian raja i, jana dilehen ia tu halak na asing na umburju sian raja i.

1 SAMUEL 25:22

Sai dibunu Debata ma au muda so hubunu sude halaklahi na adong disi painte so bincar mataniari!”

1 SAMUEL 28:17

Madung dipatulus Tuhan tu ho songon na nidokNia hian markite-hite au. Madung dibuat Tuhan harajaan Israel sian ho jana dilehen ia i tu si Daud.

1 SAMUEL 3:17

Disapai si Eli ma, “Aha dehe na nipaboa ni Tuhan i tu ho? Caritohon ma jolo sude tu au. Anggo adong do sanga na aha na dirahasiahon ho, hona uhum ni Debata do ho.”