Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 SAMUEL 3:31 - BIBEL JAMITA NA DENGGAN

31 Dung i diparentahon si Daud ma tu si Joab dohot parangan i anso disibakkon halahi pakeanna be jana mamake abit siluluton mangandungi si Abner. Jana di na manguburkon i, mardalan di pudi ni poti ni na mate i ma anggo si Daud sandiri.

အခန်းကိုကြည့်ပါ။ ကော်ပီ




2 SAMUEL 3:31
12 ပူးပေါင်းရင်းမြစ်များ  

Di na mangulahi si Ruben tu sumur i, nada diida ia be disi angginia i, gabe disibakkon ia ma pakeannia hara ni marsak ni rohania.


Disibakkon si Jakob ma pakeannia hara ni marsakna jana dipake ia ma pakean siluluton. Sanga na piga ari sai diandungi ia anaknia i.


Umbege i, disibakkon si Daud ma pakeannia hara ni marsakna jana sude ma parangannia mambaen songon i muse.


ancogotna i ro ma sada doli-doli sian parbandaran ni si Saul. Songon na marsiluluton, disibakkon ia do pakeannia jana dibaen ia tano di ulunia. Kehe ma ia mandapotkon si Daud jana manungkap di jolonia.


Ro ma angka perwirania i mandok tusia, “Pandok ni halak, anggo angka raja ni Israel sai ra do maribo ni roha. Jadi paloas ma hami kehe mangadop raja ni Israel mamake abit goni tanda ni panyosalan dohot tali ni rungkung tanda ni na tunduk; sai ibo nian rohana nada dibunu ia raja i.”


Dung sidung si Elia na mandok hata i, disibakkon si Ahab ma pakeannia lalu digonti ia ma dohot abit goni tanda ni na manyosal ia. Puaso ma ia jana modom pe laing marbaju goni ma ia jana muda mardalan, murhing ma torus bohinia.


Di na nibege ni Raja Hiskia lapuran sian sitolu halak i, disibakkon ia ma pakeannia jana marabit goni ma ia tanda ni marsakna lalu kehe ma ia tu Bagas Ni Debata.


Dung i disuru ia ma si Elyakim kapala ni bagas godang i, si Sebna sekretaris negara, dohot angka malim na matobang laho mandapotkon Panurirang Jesaya anak ni si Amos. Marabit goni muse ma halahi.


Dung i mangalangka ma Jesus saotik tu jolo manjama poti ni bangke i. Halak na maroban poti i pe gabe so ma halahi. Dung i didok Jesus ma, “O doli-doli, Au marsuru, ngot ma ho!”


Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.


SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”


Disi diida si Jefta, gabe sun ma arsaknia, jadi gabe disibak-sibak ia ma bajunia jana didok ia ma, “Iale baya borungki, ma magopu ate-atengku! Biasi ma he angkon sai ho na mambaen marsak rohangku? Madung husumpahon tu Tuhan jana nada tarbaen au be manarik i mangulahi!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ