2 SAMUEL 3:29 - BIBEL JAMITA NA DENGGAN

²⁹ Sai hona uhum ma nian si Joab dohot isi ni bagasnia hara ni pambaenanna i. Sai tongtong nian adong di bagas ni si Joab marsundut-sundut na marnyae na hodar sanga na marnyae hulit na jorbut, sanga halaklahi na marpangalaho dadaboru, sanga na mate di porang sanga na hurang sipanganon!”

2 SAMUEL 3:29 ပူးပေါင်းရင်းမြစ်များ

2 SAMUEL 1:16

Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

2 SAMUEL 16:8

Dibuat ho ma antong harajaan ni si Saul. Na dilehen Tuhan do harajaanmi tu anakmu si Absalom. Saonnari pe anso mago ho, pambunu!”

2 SAMUEL 3:28

Di na tarbege tu si Daud barita i, didok ia ma, “Diboto Tuhan do na so marsala au dohot rayatku di pamunuon maradopkon si Abner i.

2 RAJA-RAJA 5:1

Si Naaman, i ma panglima ni tentara Siria. Holong do roha ni raja ni Siria i mida ia jana diargahon do ia. Harana markite-hite si Naaman, madung dilehen Tuhan hamonangan di tentara Siria. Hape marnyae hulit na jorbut ma si Naaman panglima ni tentara i.

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

MASMUR 7:17

Giot mandok tarimakasi au tu Tuhan, jana mamuji goar ni Tuhan Na Gumincat.

HARURUAR 21:19

hape tarbaen ia dope jongjong dohot mardalan mangulahi mamake tungkot, nada pola uhuman na mamukul i, tapi angkon lehenon na harugian ni na hona pukul i salolot so lobas ia karejo dohot pasiubatna lopus malum.

HAMALIMON 15:2

di halak Israel: Aek na haruar sian hailaan ni halaklahi, ramun do i

BILANGAN 35:33

Muda dibaen hamu songon i, hamu do mangaramuni tano na niingananmunu i. Pamunuon mangaramuni luat, jadi nada adong pangalaho na asing laho paias luat i lobi sian na mambuat hosa ni sipamunu i.

BAENON NI ANGKA RASUL 28:4

Jadi dung diida halak pulo i laing gantung ulok i di tangannia, marsidokkon hatana ma halahi sama halahi, “Tontu sibunu jolma do bayo on, harana haru pe na dung malua ia sian parmaraan na di laut i, nada dipaloas Dewi Hasintongan i ia mangolu,” ninna halahi.

PANGARATAION 21:6

Jadi sude hatobangon ni kota na dumonok nangkin, angkon marbasu tangan halahi di ginjang ni lombu i,

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”

HAKIM-HAKIM 9:24

Tarjadi pe pangalaho on, anso marbalos do hajahatan ni si Abimelek dohot angka halak Sikem na manjajang ia anso mambunu angka anak ni si Gideon na pitu pulu halak i.