2 SAMUEL 3:27 - BIBEL JAMITA NA DENGGAN

²⁷ Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 SAMUEL 3:27 ပူးပေါင်းရင်းမြစ်များ

2 SAMUEL 13:26

Dung i didok si Absalom ma, “Antong anggo songon i noma, paloas ma angkangku si Amnon rap dohot hami.” Didok raja i ma, “Ia pe nada pola porlu dohot.”

2 SAMUEL 19:13

Laing disuru raja i muse dope halahi mulak tu si Amasa songon on, “Nada he donganku ho? Mamungka saonnari rasmi ma ho huangkat gabe panglima ni tentarangku manggontihon si Joab. Sai dimatehon Debata au, muda nada hupatulus i!”

2 SAMUEL 3:26

Dung kehe ia sian si Daud, disuru si Joab ma utusannia laho marpio si Abner. Dikojar halahi ma ia lalu tu sumur Sira, lalu dioban halahi ma mulak. Sudena na masa i sian na so pamotoan ni si Daud do.

2 SAMUEL 3:28

Di na tarbege tu si Daud barita i, didok ia ma, “Diboto Tuhan do na so marsala au dohot rayatku di pamunuon maradopkon si Abner i.

2 SAMUEL 4:1

Dung dibege anak ni si Saul, na dung mate di si Abner di Hebron, gabe mabiar ma ia, jana tarsongot ma sude halak Israel.

1 RAJA-RAJA 2:32

Tuhan i do na manguhum ia hara ni pamunuon na nibaennia so sian pamotoan ni damang. Si Abner kapala ni tentara ni Israel dohot si Amasa kapala ni tentara ni Juda, nada marsala na dua i. Dumenggan dope halahi ulang si Joab, hape dibunu ia halahi.

1 RAJA-RAJA 2:5

“Adong sada nari! Tontu diingot ho dope na nibaen ni si Joab tu au di na nibununia dua kapala ni tentara ni Israel, i ma si Abner anak ni si Ner dohot si Amasa anak ni si Jeter. Dibunu ia halahi di hatiha dame, mambaloskon pamunuon na nibaen ni halahi hatiha porang. Dibunu ia do halak na so marsala, gabe au do manaon na hancit hara ni pambaenan ni halahi.

PODA 26:26

Haru pe dibunihon ia na sogo rohania, idaon ni halak do sude hajahatanna.

JEREMIA 41:2

disintak si Ismael dohot sisampulu halak i ma podang ni halahi jana dibunu ma si Gedalya.

BILANGAN 35:19

Koum sisolkot ni na tarbunu i, palalu uhuman mate. Muda padumpang ia dohot si pamunu i, dibunu ia ma i.

BILANGAN 35:20

Muda magigi sahalak tu na asing, lalu dibunu ia diumban, sanga didanggurkon ia sanga aha tu halak i,

PANGARATAION 27:24

‘Bura ni Debata ma di halak sibunu jolma di na buni.’ Dung i sude ma bangso i mandok: ‘I ma tutu!’