2 SAMUEL 3:25 - BIBEL JAMITA NA DENGGAN

²⁵ Pasti diboto raja i do, anggo haroro ni si Abner i hum na giot mangakali raja i do i dohot laho umboto pangalaho maradu sude pambaenan ni raja i.”

2 SAMUEL 3:25 ပူးပေါင်းရင်းမြစ်များ

PAMUNGKAAN 42:12

Didok si Josep ma tu halahi, “Inda tutu i! Na giot manangkasi hagaleannami do umbaen na ro hamu tu luat on.”

PAMUNGKAAN 42:16

Kehe ma sahalak sian hamu mangalapsa. Ditahan ma na asing i lopus tangkas hatamunu i na tutu. Anggo inda, mangasahon goar ni raja i, na mamata-matai do hamu!”

PAMUNGKAAN 42:9

Jadi taringot ma ia tu nipinia salaho tu halahi. Jana didok ia ma, “Na mamata-matai do da hamu on; na giot mamboto angka hagaleannami di luatnami on do umbaen na ro hamu tuson.”

2 SAMUEL 10:3

Tapi didok angka parpangkat na di Luat Amon i ma tu si Hanun, “Na diambang roha ni raja i dehe lakna na laho pasangapkon amanta umbaen na ditongos si Daud tonana dohot mararsak ni roha i. Nada! Na giot mamata-matai kota on do disuru ia angka jolma i tuson, anso tartaluhon ia kota on muse.”

2 SAMUEL 3:24

Dung i mangadop ma si Joab tu raja i, didok ia ma, “Na bia dehe pambaen ni raja i? Ma ro si Abner mangadop tu raja i. Biasi dipaloas raja i ia kehe boti sajo?

2 SAMUEL 3:26

Dung kehe ia sian si Daud, disuru si Joab ma utusannia laho marpio si Abner. Dikojar halahi ma ia lalu tu sumur Sira, lalu dioban halahi ma mulak. Sudena na masa i sian na so pamotoan ni si Daud do.

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 RAJA-RAJA 18:32

lopus hupabungkas hamu tu sada luat na tudos tu luatmunu sandiri. Adong do disi kobun anggur na mangalehen anggur suha di hamu, adong do ladang ni gandum na mangalehen topung sipanganonmunu. Bahat do di luat i bona ni zetun, miak zetun dohot aer ni loba. Muda ra hamu mangihutkon na huparentahon tu hamu, mangolu ma hamu, nada mate. Ulang patangi-tangi hamu anggo si Hiskia. Hum na paoto-otohon hamu do i anso diambang hamu ro Tuhan laho paluahon hamu.

MASMUR 121:8

JagohononNia do ho laho ro dohot laho kehe, saonnari ro di salolot ni lolotna.

JESAYA 37:28

Tapi Huboto do sude taringot tu ho sandiri. Huboto do sanga aha na nibaenmu jana sanga na tu dia ho kehe. Huboto do na marsitutu murukmu tu Au.

BILANGAN 27:17

Sada halak na tarbaen gabe panglima muda masa porang. Ulang ma padiar bangsomon songon habanan ni biri-biri na so marparmahan.”

JOHANNES 7:12

Bahat ma hata-hata ni jolma na bahat i taringot tuSia. Adong na mandok, “Na burju do Ia.” Adong muse na mandok, “Nada, na paliluhon halak na bahat do Ia.”

JOHANNES 7:47

“Adong he na dung tarpaoto-oto muse dohot hamu?” ninna halak Parise i.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

PANGARATAION 28:6

Pasupasuon ni Tuhan ma sude na nibaenmunu.