2 SAMUEL 3:20 - BIBEL JAMITA NA DENGGAN

²⁰ Di na mangadop i si Abner dohot dua pulu halak parangannia tu si Daud di Hebron, dibaen si Daud ma pesta di halahi.

2 SAMUEL 3:20 ပူးပေါင်းရင်းမြစ်များ

PAMUNGKAAN 26:30

Dung i dibaen si Ishak ma pesta manjamu halahi, jadi mangan minum ma halahi.

PAMUNGKAAN 31:54

Disambol ia ma sada pahan-pahanan jana dihaulkon ia ma gabe songon haul na nitutung di ginjang ni dolok i. Diontang ia muse ma angka halaknia rap mangan. Dung abis mangan, marborngin di dolok i ma halahi.

2 SAMUEL 3:19

Laing martahi muse ma si Abner tu angka halak Benyamin, dung i kehe ma ia muse tu Hebron laho paboahon tu si Daud na dung satahi halak Benyamin i dohot halak Israel i.

2 SAMUEL 3:21

Dung i parmisi ma si Abner laho kehe didok ia ma, “Paloas ma au kehe laho mangarahon sude halak Israel anso marsada dohot tuan i. Jagiton ni halahi do tuan i gabe raja jana muda songon i gabe mamarenta ma tuan i di sude luat hombar tu hagiot ni tuan i.” Dung i dipaloas si Daud ma si Abner kehe jana dijamin ma ia aman.

ESTER 1:3

Di taon patoluhon mamarenta Raja Ahasweros, dibaen ma horja godang di sude na marpangkat dohot pagawenia. Ro do tu horja i tentara ni Persia dohot tentara ni Media, songon i muse angka gubernur maradu na mora-mora na sian propinsi.

1 SAMUEL 25:36

Dung mulak si Abigail mandapotkon si Nabal, hapengani masa do pesta godang di bagasnia i songon horja ni raja. Jadi dibaen na mabuk jana marmoga-moga do si Nabal, nada dipaboa dadaborunia i tusia sanga na aha lopus tu ancogotna i.