2 SAMUEL 3:16 - BIBEL JAMITA NA DENGGAN

¹⁶ Tapi sai torus ma si Paltiel mangihutkon si Mikal sai tangis. Di na lalu halahi di kota Bahurim, didok si Abner ma tusia, “Tuk ma i, mulak ma ho!” Dung i mulak ma si Paltiel.

2 SAMUEL 3:16 ပူးပေါင်းရင်းမြစ်များ

2 SAMUEL 16:5

Di na lalu si Daud di Bahurim, ruar ma sada bayo sian huta i, jana di na mur donok ia, diburai ia ma si Daud. Si Simei goarna anak ni si Gera na sian kahanggi ni si Saul.

2 SAMUEL 17:18

Hape adong ma sada dakdanak halaklahi na midaan halahi, jana dipaboa dakdanak i ma tu si Absalom. Jadi diompoti halahi noma kehe lalu martabuni di bagas ni sada halak huta Bahurim. Di lambung ni bagasna i adong do sumur jana tu sumur i ma halahi masuk.

2 SAMUEL 19:16

Di hatiha i ro ma si Simei halak Benyamin, anak ni si Gera sian Bahurim, mandapotkon Raja Daud.

2 SAMUEL 19:17

Adong do saribu halak dongannia halak Benyamin. Jana si Ziba pe, naposo ni keluarga ni si Saul, dohot anaknia na lima bolas halak dohot naposonia ro do tu Batang aek Jordan mandapotkon raja i.

2 SAMUEL 23:31

Si Abialbon, halak Araba; si Asmawet, halak Bahurim.

2 SAMUEL 3:15

Dung i disuru si Isboset ma utusannia mambuat si Mikal sian halaklahina, i ma si Paltiel anak ni si Lais.

1 RAJA-RAJA 2:8

“Taringot tu si Simei anak ni si Gera na sian kota Behurim di Luat Benyamin, adong do tonangku tu ho. Di pardalananku tu Mahanaim, diburai si Simei do au dohot angka hata na jat. Tapi di na marsuo au dohot ia di Batang aek Jordan, husumpahon do tusia hara ni Tuhan na so pola bunuonku ia.

JEREMIA 41:6

Jadi haruar ma si Ismael sian Mispa mangalo-alo halahi. Tangis ma ia jana didok ia, “Beta ma taligi si Gedalya.”