2 SAMUEL 3:12 - BIBEL JAMITA NA DENGGAN

¹² Dung i disuru si Abner ma utusan tu si Daud na topet di Hebron di hatiha i, palalu tona songon on, “Ise do na giot markuaso di tano on? Baen ma janjimu tu au, jadi urupanku ma tuan i anso mamihak tu tuan i sude bangso Israel.”

2 SAMUEL 3:12 ပူးပေါင်းရင်းမြစ်များ

2 SAMUEL 19:14

Songon i ma dibaen si Daud umbaen na gabe tarbuat ia roha ni sude halak Juda lopus manongos tona halahi tu raja i, anso mulak mangulahi tu bagas godang rap dohot sude pagawenia.

2 SAMUEL 19:41

Dung i ro ma sude halak Israel mangadop tu raja i jana didok halahi ma tusia, “Ale rajanami, biasi dietong roha ni angka kahangginami halak Juda i hum halahi do na marhak laho mangalo-alo dohot mangudurkon raja i maradu sude dongan sabagas dohot parangan ni raja i manaripari Batang aek Jordan i?”

2 SAMUEL 19:6

Dihaholongi raja i ma antong angka jolma na magigi mida raja i, hape goyak roha ni raja i di angka na manghaholongi raja i! Jadi torang do dipatidahon raja i na so marastuan angka komandan dohot angka tentara ni raja i di raja i sandiri. Mur marmoga-moga muse dope raja i sugari sura laing mangolu muse si Absalom jana hami sude mate!

2 SAMUEL 3:11

Sada hata pe nada adong be taralusi si Isboset, angke mabiar do ia mida si Abner.

2 SAMUEL 3:13

Dialusi si Daud ma, “Denggan! Antong palalu ma tona on tu si Abner: Ra do au mambaen parjanjian dohot ho, tapi adong sada saratna: Angkon obanonmu do si Mikal boru ni si Saul i tu au muda ro ho mangadop tu au.”

2 SAMUEL 3:21

Dung i parmisi ma si Abner laho kehe didok ia ma, “Paloas ma au kehe laho mangarahon sude halak Israel anso marsada dohot tuan i. Jagiton ni halahi do tuan i gabe raja jana muda songon i gabe mamarenta ma tuan i di sude luat hombar tu hagiot ni tuan i.” Dung i dipaloas si Daud ma si Abner kehe jana dijamin ma ia aman.

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 SAMUEL 3:38

Didok raja i ma tu angka donganna na mangihutkon ia, “Na so diboto hamu do na marujung ngolu ni sada halak na godang pamimpin di Israel di ari sadari on.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.