2 SAMUEL 24:4 - BIBEL JAMITA NA DENGGAN

⁴ Haru songon i pe laing hot do raja i di parentania i. Jadi kehe ma si Joab dohot angka perwirania manadingkon raja i laho mangetong bangso Israel.

2 SAMUEL 24:4 ပူးပေါင်းရင်းမြစ်များ

2 SAMUEL 24:3

Tapi didok si Joab ma tu raja i, “Sai marlompit ganda ma nian rayat ni Israel on dibaen Tuhan Debata ni raja i lopus saratus lompit sian bahat ni halahi na saonnari, jana sai laing mangolu nian raja i marnida i. Tapi na giot tu aha ni raja i dehe pamilangion on?”

2 SAMUEL 24:5

Dung ditaripari si Joab dohot angka parangannia i Batang aek Jordan, marbandar di sabola Selatan ni Aroer ma halahi, i ma kota na di parsitongaan ni rura i, na di Luat Gad. Sian i kehe ma halahi tu Utara, tu Jaeser,

1 JUJUR TAON 21:4

Hape laing dipaksa raja i do si Joab mandalankon sensus i. Jadi laing kehe ma si Joab tu sude Israel, lopus tu huta suhi-suhi, dung i mulak ma ia tu Jerusalem,

HARURUAR 1:17

Tapi anggo bidan i, halak na manghabiari Debata do. Nada dioloi halahi parenta ni raja i, dipadiar halahi do anak halaklahi mangolu.

HARURUAR 30:12

“Muda hatiha mangetong bahat ni halak Israel ho sanga sadia bahatna di na mandaftar halahi, angkon pasahaton ni halahi do haul tu Tuhan, i ma hepeng pandamei hara ni hosa ni halahi, di na nidaftarkon ni donganna halahi anso ulang adong na hona bala sian halahi di na mandaftar i.

PARJAMITA 8:4

Mardongan sahalana do raja di tindakanna; nada adong na puluk manggagaisa!

BAENON NI ANGKA RASUL 5:29

Dialusi si Petrus dohot rasul na asing i ma, “Angkon Debata do ihutkononta, nada jolma.