2 SAMUEL 24:25 - BIBEL JAMITA NA DENGGAN

²⁵ Dung i dipajongjong ia ma langgatan disi baen di Tuhan jana dihaulkon ia muse ma haul situtungon dohot haul pardonganan. Maralus do tangiang ni si Daud i dibaen Tuhan, lalu dipadao Tuhan ma bala i sian Israel.

2 SAMUEL 24:25 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 22:9

Di na lalu halahi tu inganan na nidok ni Debata tu si Abraham, dipajongjong ia ma sada langgatan jana diatak ia ma soban i di ginjang ni langgatan i. Bulus ditambat ia ma anaknia i jana dipapodom ia di langgatan i di ginjang ni soban i.

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

2 SAMUEL 21:14

Dung i ditanom ma holi-holi ni si Saul dohot si Jonatan dohot sipitu halak i di kuburan ni si Kis amang ni si Saul, di Zela na di Luat Benyamin. Dung sidung dipadalan sudena i hombar tu parenta ni raja i, dipatulus Debata ma tangiang ni halahi salaho tu luat i.

2 SAMUEL 24:14

Dialusi si Daud ma, “Dut sajo do rohangku: Tapi nada giot au hona uhuman ni jolma. Padiar ma songon i hona uhuman ni Tuhan hita sudena, angke laing parholong ni roha godang do Ia.”

1 RAJA-RAJA 1:1

Madung tobang situtu Raja Daud. Haru pe dilehen disia ulos sian abit na hapal, sai tongtong do ia ngalian.

JEHESKIEL 16:42

Dung mardalan pe i anso mombun rimasKu, jana mulak ma tenang Au. Nada muruk be Au sanga mangiburu.

BILANGAN 17:13

Muda angkon mate jolma na mandonohi Bandar Parmianan Ni Tuhan i, antong anggo songon i nada adong be arop ni roha di hita sude.”

HAKIM-HAKIM 21:4

Ancogotna i sogot sajo dope, dipajongjong halak Israel ma sada langgatan disi, lalu dipasahat halahi ma tu Tuhan haul situtungon dohot haul haluaon.

HAKIM-HAKIM 6:24

Lalu dipajongjong si Gideon ma disi sada langgatan jana digoari ia ma i, “Tuhan do mual ni hasonangan.” Laing adong dope langgatan i di Ofra, i ma kota ni halak Abieser.

1 SAMUEL 13:9

Jadi gabe didok ia ma tu halahi, “Oban hamu ma tuson haul situtungon dohot haul pardengganan i.” Lalu ia sandiri noma manghaulkon haul situtungon i.

1 SAMUEL 14:35

Jadi dipajongjong si Saul ma langgatan di Tuhan; i ma langgatan na parjolo dipajongjong ia.

1 SAMUEL 7:17

Jana sai mulak do ia mangulahi tu Rama. Na gabe hakim ni halak Israel do ia disi jana dipajongjong ia muse sada langgatan di Tuhan.

1 SAMUEL 7:9

Jadi hara ni i, disambol si Samuel ma sada anak ni biri-biri lalu ditutung ia ma i himpal-himpal songon haul tu Tuhan. Dung i martangiang ma ia anso ditolong Tuhan halak Israel, jana tulus do antong tangiangnia i.