2 SAMUEL 24:24 - BIBEL JAMITA NA DENGGAN

²⁴ Tapi dialusi raja i ma, “Na so ra do au manghaulkon haul tu Tuhan Debatangku anggo na so margarar do sanga na aha. Angkon tobusanku do i sude sian ho.” Dung i ditobusi si Daud ma inganan pardegean ni gandum i dohot angka lombu i mararga lima pulu hepeng perak.

2 SAMUEL 24:24 ပူးပေါင်းရင်းမြစ်များ

PAMUNGKAAN 23:11

“Saonnari angka dongan sabangsongkon ma manyaksihon, hulehen ma di ho ladang i dohot liang na disi, anso tarkuburkon ho dongan sabagasmi,” ning ia.

PAMUNGKAAN 23:13

jana sude do halahi umbege hatania i tu si Efron, “Hupangido dohot sangap, tangihon ma jolo. Giotku nian hutobusi ma sude ladang i. Jagit ma gararna, anso hukuburkon dongan sabagaski disi.”

PAMUNGKAAN 23:16

Tumbuk ma arga i di roha ni si Abraham, dietong ia ma hepeng perak i mangihutkon timbangan na somal dipake saudagar. Dung i digarar ia ma i tu si Efron di jolo ni angka pamimpin ni halak Het i.

1 JUJUR TAON 21:1

Sai giot agoon ni Sibolis do halak Israel; jadi dijajang Sibolis i ma si Daud anso mambaen sensus.

1 JUJUR TAON 22:1

Jadi ning si Daud ma, “Angkon dison noma baenon Bagas Ni Tuhan Debata. Jana on ma langgatan inganan ni halak Israel manghaulkon haul situtungon tu Tuhan.”

SURAT NI SI PAULUS TU PARLAGUTAN ROM 12:17

Muda jat dibaen halak tu hamu, ulang pola baloskon hamu i dohot na jat. Baen hamu ma aha na denggan tu sude halak.