2 SAMUEL 24:21 - BIBEL JAMITA NA DENGGAN

²¹ laho marsapa, “Aha do ulaning na diharohon ni raja i?” ning ia ma. Dialusi raja i ma, “Na laho manobusi pardegean ni anggur do au dohot laho pajongjongkon langgatan di Tuhan, anso mantak na masa on.”

2 SAMUEL 24:21 ပူးပေါင်းရင်းမြစ်များ

PAMUNGKAAN 50:10

Dung lalu halahi tu inganan pardegean na di Atat di Habincaran ni Batang aek Jordan, mangandungi ma halahi disi mangangguk godang. Dipatupa si Josep ma horja siluluton disi pitu ari honokna.

2 SAMUEL 24:18

Laing di na sadari i muse, ro ma si Gad mangadop tu si Daud jana didok ia ma, “Manaek ma jolo sugari nian raja i tu pardegean ni gandum ni si Arauna i, laho pajongjong langgatan di Tuhan.”

2 SAMUEL 24:20

Topet ma manaili si Arauna tu toru jana diida ia ma raja i dohot angka na mangudurkonsa ro mandapotkon ia. Manungkap ma si Arauna di jolo ni si Daud,

2 SAMUEL 24:3

Tapi didok si Joab ma tu raja i, “Sai marlompit ganda ma nian rayat ni Israel on dibaen Tuhan Debata ni raja i lopus saratus lompit sian bahat ni halahi na saonnari, jana sai laing mangolu nian raja i marnida i. Tapi na giot tu aha ni raja i dehe pamilangion on?”

1 JUJUR TAON 21:22

Didok si Daud ma tusia, “Na giot pajongjong langgatan do au dison baen di Tuhan, anso mantak bala on. Dok ma sanga na sadia arga ni tano on, hugarar pe di ho.”

MASMUR 106:30

Tapi jongjong ma si Pinehas manguhumi parsala, gabe mantak ma antong disi bala.

BILANGAN 25:8

kehe ia paihut-ihut halaklahi dohot dadaboru i masuk tu bandar. Dung i dijujarkon ia ma hujur i tu halahi na dua rap hona halahi na dua. Dung songon i mantak ma bala na jorbut i di Israel.