2 SAMUEL 24:18 - BIBEL JAMITA NA DENGGAN

¹⁸ Laing di na sadari i muse, ro ma si Gad mangadop tu si Daud jana didok ia ma, “Manaek ma jolo sugari nian raja i tu pardegean ni gandum ni si Arauna i, laho pajongjong langgatan di Tuhan.”

2 SAMUEL 24:18 ပူးပေါင်းရင်းမြစ်များ

PAMUNGKAAN 50:10

Dung lalu halahi tu inganan pardegean na di Atat di Habincaran ni Batang aek Jordan, mangandungi ma halahi disi mangangguk godang. Dipatupa si Josep ma horja siluluton disi pitu ari honokna.

2 SAMUEL 24:11

Ancogotna i, dung ngot si Daud sian podomanna, didok Tuhan ma tu Panurirang Gad na gabe parsambungan ni si Daud tu Tuhan,

2 SAMUEL 24:19

Diihutkon si Daud ma hata na nidok ni si Gad i jana kehe ma ia songon na niparentahon ni Tuhan i tusia.

2 JUJUR TAON 3:1

Na dung ditontuhon Raja Daud hian do, anggo Bagas Ni Tuhan i angkon di Jerusalem do dibangun, di Dolok Moria, i ma di pardegean ni gandum ni si Arauna halak Jebus i. Dipungka Raja Salomo ma pambangunan ni Bagas Ni Tuhan i

ZAKARIA 9:7

PaagoonKu ma mudar sian pamanganna dohot hahodaran sian angka iponna, jana na tinggal rap dohot halahi pe giot manjadi nampuna ni Debatanta. Gabe songon sada horong ma halahi di Juda, jana halak Ekron songon halak Jebusi.