2 SAMUEL 24:16 - BIBEL JAMITA NA DENGGAN

¹⁶ Ma lalu surusuruan na pasarsar hamatean i di lambung ni pardegean ni gandum nampuna ni si Arauna halak Jebus i. Jadi dung diida Tuhan na dung hobas surusuruan i laho mangabisi Jerusalem, dipauba Tuhan ma haputusannia i laho manguhum bangso i. Didok Tuhan ma tu surusuruan i, “Tuk ma i! Antak ma!”

2 SAMUEL 24:16 ပူးပေါင်းရင်းမြစ်များ

PAMUNGKAAN 10:16

Laing di Kanaan muse do ompu ni halak Jebusi, halak Amori dohot halak Gergasi,

PAMUNGKAAN 6:6

manyosal ma Tuhan hara ni na dung nitompaNia halahi jana dibaen Ia maringanan di tano on. I noma hancit ni roha ni Tuhan,

2 SAMUEL 24:18

Laing di na sadari i muse, ro ma si Gad mangadop tu si Daud jana didok ia ma, “Manaek ma jolo sugari nian raja i tu pardegean ni gandum ni si Arauna i, laho pajongjong langgatan di Tuhan.”

2 SAMUEL 5:8

Didok si Daud ma tu parangannia i, “Adong dehe dison halak na margoyak ni roha mida halak Jebus songon goyak ni rohangkon? Tuk do goyak ni rohana laho mamunu halahi? Anggo songon i, masuk ma sian bubusan ni aek jana niporangan ma angka jolma na mapitung dohot na matimpang na huhagigihon i.” (I ma dalanna umbaen didok halak, “Nada tola halak na mapitung dohot na matimpang masuk tu Bagas Ni Tuhan.”)

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

2 RAJA-RAJA 19:35

Laing di borngin i ro ma Surusuruan Ni Tuhan tu parbandaran ni halak Asur mamatehon 185.000 halak paranganna. Ancogotna i manyogot marragean ma angka bangke i!

1 JUJUR TAON 1:14

Si Kanaan ma na umpompar bangso Jebusi, Amori, Girgasi,

2 JUJUR TAON 3:1

Na dung ditontuhon Raja Daud hian do, anggo Bagas Ni Tuhan i angkon di Jerusalem do dibangun, di Dolok Moria, i ma di pardegean ni gandum ni si Arauna halak Jebus i. Dipungka Raja Salomo ma pambangunan ni Bagas Ni Tuhan i

2 JUJUR TAON 32:21

Jadi disuru Tuhan ma sada surusuruan mamatehon angka parajurit dohot angka perwira ni Asur i. Jadi ila sajo ma roha ni raja ni Asur i mulak tu tanonia. Sanoli dompak di bagasan bagas ni debatania i ia, ro ma sanga na piga halak sian angka anaknia sandiri mamunu ia dohot podang.

MASMUR 135:14

BelaonMu ma bangsoMu jana maribo ni roha Ho di angka naposoMu.

MASMUR 35:6

Padiar ma dikojar Surusuruan Ni Tuhan halahi, di dalan na golap jana na landit.

MASMUR 78:38

Hape dihasiani jana diampuni Ia do bangsoNia i jana nada dipatimpas Ia halahi. Marpupu do diorom Ia murukNia, jana nada dipagurgur Ia rimasNia.

MASMUR 90:13

Ale Tuhan intap ni andigan sai milas rohaMu? Marpangulahi jana ibo ma rohaMu di angka naposoMon.

HARURUAR 12:13

Mudar na di pintu ni bagasmunu i ma tandana paboahon bagas ingananmunu. Muda Huida mudar i salpuanKu ma hamu, jana nada agoonKu hamu di na manguhum halak Mesir i Au.

HARURUAR 12:23

Muda dibolus Tuhan luat on laho mamunu angka halak Mesir, idaon ni Tuhan ma mudar na di pamalpal dohot tiang ni pintu i, gabe nada loasonNia be Surusuruan Pangago i masuk tu bagasmunu laho mamunu hamu.

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

HARURUAR 9:28

Tangiangkon hamu ma tu Tuhan, madung tuk parkancitannami dibaen ambolas on. Marjanji ma au laho paloaskon hamu kehe. Indangkon pola tinggal be hamu dison.”

JESAYA 27:8

Hona taban do uhuman ni bangsoNia. Dipaorot Ia halahi marhite halingsungsung na ro sian Habincaran.

JESAYA 57:16

Angke nada salolotna Au giot mamorso, jana nada giot salolotna Au muruk, anso ulang gabe gale halahi di jolongKu, hape Au do na mambaen hosa hangoluan.

JEREMIA 26:19

Hape nada dibunu Raja Hiskia dohot rayat i si Mika. Mur mabiar roha ni si Hiskia tu Tuhan jana mangido ibo ni roha ia. Jadi gabe ditarik Tuhan mangulahi ondam-ondamNia i laho mangago halahi. Jana saonnari pe, ra dehe hita mangalapi hamagoan godang tu dirinta?”

JEREMIA 42:10

‘Muda giot hot do hamu maringanan di luat on, angkatonKu ma hamu jana nada dabuhononKu; pajongjongonKu ma hamu, jana nada runcurhononKu. Marsak sajo do Au hara ni na dung Hupamasa hamamago tu hamu.

AMOS 7:3

Gabe manolsoli ma Tuhan hara ni i. “Nada tulus tarjadi na niidami.”

AMOS 7:6

Gabe manolsoli ma Tuhan hara ni i. “On pe nada tulus tarjadi,” ninna Tuhan Debata.

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.

ZAKARIA 9:7

PaagoonKu ma mudar sian pamanganna dohot hahodaran sian angka iponna, jana na tinggal rap dohot halahi pe giot manjadi nampuna ni Debatanta. Gabe songon sada horong ma halahi di Juda, jana halak Ekron songon halak Jebusi.

MARKUS 14:41

Dung i ro ma Ia patolunolihon, jana didokkon Ia ma tu halahi, “Modom ma hamu santongkin nari jana maradian. Tuk ma i, madung ro hatiha i. Ligi ma nipasahat ma Anak Ni Jolma tu tangan ni halak pardosa.

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.

1 KORINTUS 10:10

Ulang ma hamu mungut-ungut songon na nikarejohon ni na deba sian halahi, gabe mago ma halahi dibaen sipangago i.

2 KORINTUS 2:6

Anggo tu halak na songon i pangalahona, tuk ma holau uhuman na dung somal na nidalankonmunu i baen hamu tu halakna i.

JOSUA 15:63

Kota Jerusalem pe masuk bagian ni Juda do, tapi nada tarpaorot halak Juda haruar angka halak Jebus na maringanan disi. Lopus saonnari laing rap maringanan di kota i do angka halak Jebus dohot halak Juda.

HAKIM-HAKIM 1:21

Marga Benyamin pe nada tarusir halahi morot halak Jebus sian kota Jerusalem. I ma dalanna umbaen na laing rap disi halak Jebus dohot halak Benyamin.

HAKIM-HAKIM 19:11

Di na marayak borngin, lalu ma halahi di lambung ni Jebus jadi didok hatoban i ma tu tuanna i, “Tuan, di kota ni halak Jebus on ma da hita marborngin.”

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.