2 SAMUEL 24:15 - BIBEL JAMITA NA DENGGAN

¹⁵ Dung salpu i, diparo Tuhan ma bala tu Israel, sian manyogot i lopus tu hatiha na dung ditontuhonna i. Di sude Israel, mate do pitu pulu ribu halak halaklahi.

2 SAMUEL 24:15 ပူးပေါင်းရင်းမြစ်များ

2 SAMUEL 24:2

Dung i didok si Daud ma tu si Joab, panglima ni tentarania i, “Kehe ma ho rap dohot angka perwirami manopot sude marga ni Israel di sandok luatna laho mambaen pamilangion. Giot botoonku bahat ni halahi.”

1 JUJUR TAON 21:14

Jadi diparo Tuhan ma nyae bala tu halak Israel jabat mate pitu pulu ribu halak sian halahi.

1 JUJUR TAON 27:24

Madung dipungka si Joab anak ni si Zeruya mandalankon sensus i, tapi nada dipasidung ia hara ni na niuhum ni Debata halak Israel patunda ni sensus i. Hara ni i ma umbaen na so tarsurat bahat ni bilangan ni halahi di Buku Ni Raja Daud.

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.

BILANGAN 25:9

Tapi hatiha i mate do 24.000 halak.

MATEUS 24:7

Marporang ma bangso na sada maralohon bangso na asing. Sanga di dia pe, masa ma haleon potir dohot lalo.

HALUMBAAN 6:8

Hupamanat ma, gabe haidaan ma sada kudo na langan tompana, Hamatean do goar ni na manengget i. Dipaihut-ihut Harajaan Hamatean ma ia donok sian pudi. Dipasahat ma saparopat ni tano on tu kuaso ni halahi, anso tarbaen halahi mamunu markite-hite porang, hamamasa ni haleon, markite-hite nyae dohot markite-hite angka binatang panyoro na di tano on.

1 SAMUEL 6:19

Tapi hara ni na ditungkir ni halak Bet-Semes tu bagasan Poti Parjanjian ni Tuhan i, gabe hona bunu do dibaen Tuhan sian halahi pitu pulu halak. Gabe marsiluluton ma rayat i hara ni na nipadondonkon ni Tuhan sitaonon na songon i godang tu halahi.