2 SAMUEL 23:34 - BIBEL JAMITA NA DENGGAN

³⁴ Si Elifelet anak ni si Ahasbai halak Maaka; si Eliam anak ni si Ahitofel halak Gilo.

2 SAMUEL 23:34 ပူးပေါင်းရင်းမြစ်များ

2 SAMUEL 10:6

Torang ma diboto halak Amon na dung gabe musu ni halahi si Daud. Jadi diongkos halahi ma dua pulu ribu tentara ni Siria na adong di Bet-Rehob dohot si Zoba songon i muse dua bolas ribu tentara na sian Tob, dohot raja ni tano Maaka rap dohot saribu halak paranganna.

2 SAMUEL 10:8

Marbaris ma halak Amon laho ruar jana diatur halahi ma barisanna di jolo ni pintu horbangan ni Raba, kota sabungan ni halahi jana angka na asing i, i ma halak Siria bope halak Tob dohot Maaka, maratur ma marbaris di padang na talak i.

2 SAMUEL 11:3

Dung i disuru sapai si Daud ma sanga na ise anakboru i, jana didok halak ma, “Nada he si Batseba boru ni si Eliam, dadaboru ni si Uria halak Het i do i?”

2 SAMUEL 15:12

Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 SAMUEL 20:14

Ma pola dibolus si Seba sude luat ni marga ni Israel, dung i lalu ma ia di kota Abel-Bet-Maaka, diihutkon sude na marmarga Bikri.

PANGARATAION 3:14

Si Jair na sian Marga Manase, mambuat sude Luat Argob, i ma Basan lopus tu parbalohan ni Gesur dohot Maaka. Dibaen ia ma goar ni angka huta i mangihutkon goarnia sandiri, jana lopus saonnari laing tarbarita do i angka huta ni si Jair.)

1 SAMUEL 26:6

Dung i disapai si Daud ma si Ahimelek halak Het i, dohot si Abisai, anggi ni si Joab. (Si Zeruya do inang ni halahi), “Ise do na puluk masuk rap dohot au tu bagasan bandar ni si Saul i?” Dialusi si Abisai ma, “Au ma i!”