2 SAMUEL 23:3 - BIBEL JAMITA NA DENGGAN

³ Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

2 SAMUEL 23:3 ပူးပေါင်းရင်းမြစ်များ

PAMUNGKAAN 33:20

Dung i dipajongjong ia ma langgatan disi jana dibaen ia ma goarna, “Debata, Debata ni si Israel”.

2 SAMUEL 22:32

Harana, ise ma he Debata asing ni Tuhan? Asing ni Debata, ise dope di hita parondingan?

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

NEHEMIA 5:14

“Madung gabe gubernur ni Juda au dua bolas taon honokna, mamungka ma i sian taon paduapuluhon lalu tu taon patolupuluhon mamarenta Raja Artahsasta. Salolot ni i, nada jungada hubuat dohot angka kahanggingku gajingku songon gubernur.

JOB 34:17

Salahononmu ma he Debata na tigor jana na gogo i? Diambang ho ma he goyak roha ni Debata di na tigor i?

MASMUR 110:2

Sian Sion pabidangon ni Tuhan ma harajaanmu, markuaso ma ho di tonga-tonga ni angka musumu.

MASMUR 42:9

Hudok ma tu Debata, na mangondihon au, “Biasi dihalupahon Ho au? Biasi angkon laing manaon parkancitan au, hara ni panyosak ni angka musungku?”

MASMUR 72:1

Ale Debata, ajarkon ma uhumMu tu raja, lehen ma hatigoranMu tu anak ni raja.

MASMUR 72:2

Anso nian diadili bangsoMi mangihutkon aturan, jana dibaen ia na tigor tu halak na nisosakan.

HARURUAR 18:21

Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 3:15

Baritahon ma tu bangso Israel, paboa Au do Tuhan Debata ni ompu ni halahi, Debata ni si Abraham, si Ishak dohot si Jakob na marsuru ho manopot halahi. I do goarKu ro di salolot ni lolotna. On ma panggoaringKu di sude bangso marsundut-sundut.

PODA 31:9

Manghatai ma ho pajongjongkon hatigoran. Pahot ma hak ni halak na pogos dohot na dangol.”

JESAYA 32:1

Di sada hatiha, na giot ro, adong ma sada raja na adil mamarenta, jana angka pamimpin ni bangso i pe mandalankon hatigoran.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

IBRANI 1:8

Hape anggo tu Anak i didok Debata do, “Ho do Debata, jana hot do salolot-lolotna hasangapanMu songon Raja! Pangarajaion na tigor do pangarajaionMu.