2 SAMUEL 23:21 - BIBEL JAMITA NA DENGGAN

²¹ Sanoli dibunu ia do sada halak Mesir na ginjang na godang boti marsinjata tombak. Hum tungkot do adong di si Benaya laho mangadopi bayo i. Dirampas ia ma tombak na di tangan ni halak Mesir i lalu i ma dipake ia mamunu bayo i.

2 SAMUEL 23:21 ပူးပေါင်းရင်းမြစ်များ

2 SAMUEL 23:20

Sada nari perwira na asing na tarbarita, i ma si Benaya anak ni si Joyada, halak Kabseel. Na puluk situtu. Dua parporang sian Moab dibunu ia. Jungada do di sada ari na marsalju, masuk ma ia tu bagasan sada liang, lalu dimatehonia sada singa disi.

2 SAMUEL 23:22

I ma habaranion na nibaen ni si Benaya, sahalak sian “Tridasawira” i.

1 JUJUR TAON 11:23

Sanoli dibunu ia halak Mesir lobi dua meter ginjang ni bayo i, adong muse do hujur na lobi godang sinjatana. Hum potuk-potuk do sinjatania mangadopisa. Dirampaskon si Benaya do hujur na di tangan ni halak Mesir i, lalu i noma dibaen ia mamunu bayo i.

KOLOSSE 2:15

Sude angka tondi na mamarenta dohot na markuaso gabe gale noma di parsilang ni Kristus i. Gabe sitontonan ni halak na bahat noma halahi dibaen, di na niiring ni Kristus halahi songon halak na tartaban di uduran ni hamonanganNia.

1 SAMUEL 17:51

Dilojong si Daud ma mandapotkon halak Pilistin i, jongjong ma ia di lambungna i; dibuat ia ma podang ni si Goliat, disintak ia sian sarungna i, dung i diabisi ia. Digotap ia ma ulu ni si Goliat i dohot podang. Dung diida halak Pilistin i bahaso na dung mate juaro ni halahi, marlojong be ma halahi.