2 SAMUEL 23:20 - BIBEL JAMITA NA DENGGAN

²⁰ Sada nari perwira na asing na tarbarita, i ma si Benaya anak ni si Joyada, halak Kabseel. Na puluk situtu. Dua parporang sian Moab dibunu ia. Jungada do di sada ari na marsalju, masuk ma ia tu bagasan sada liang, lalu dimatehonia sada singa disi.

2 SAMUEL 23:20 ပူးပေါင်းရင်းမြစ်များ

2 SAMUEL 1:23

Si Saul dohot si Jonatan na dihaholongan jana na lambok, sai marsada do i di hangoluan bope di hamatean; humipas do halahi sian unggas rajawali, gumogo sian singa na gogo halahi.

2 SAMUEL 20:23

Angka on ma parpangkat na gincat na niangkat ni si Daud: Panglima ni sude tentara ni Israel: Si Joab. Kepala ni tentara pengawal ni si Daud (halak Kreti dohot Pleti): Si Benaya anak ni si Joyada.

2 SAMUEL 23:19

Hara ni i ma dibaen na tarbonggal ia. Tapi nada tarpatudos dope ia tu angka perwira na sian “Triwira” i.

2 SAMUEL 23:21

Sanoli dibunu ia do sada halak Mesir na ginjang na godang boti marsinjata tombak. Hum tungkot do adong di si Benaya laho mangadopi bayo i. Dirampas ia ma tombak na di tangan ni halak Mesir i lalu i ma dipake ia mamunu bayo i.

2 SAMUEL 23:22

I ma habaranion na nibaen ni si Benaya, sahalak sian “Tridasawira” i.

2 SAMUEL 8:18

si Benaya anak ni si Joyada; i ma panglima pangawal ni raja; dohot angka anak ni si Daud, i ma gabe malim di bagas godang.

1 RAJA-RAJA 1:26

Hape anggo au nada diontang si Adonia. Malim Zadok dohot si Benaya bope si Salomo nada diontang ia.

1 RAJA-RAJA 1:38

Dung i dipajuguk si Zadok, si Natan, si Benaya dohot sude pangawal ni raja i ma si Salomo tu halode ni raja i lalu ditogu halahi tu mual ni Batang aek Gihon.

1 RAJA-RAJA 1:8

Tapi anggo Malim Zadok, si Benaya anak ni si Joyada, Panurirang Natan, si Simei, si Rei bope pangawal ni Raja Daud nada ra manyabola tu si Adonia.

1 RAJA-RAJA 2:46

Dung didok ia songon i, dilehen raja i ma parenta tu si Benaya, gabe kehe ma si Benaya mamunu si Simei. Dung songon i gok ma kuaso ni si Salomo di bagasan harajaanna i.

1 JUJUR TAON 12:8

Dompak di bagasan benteng na di halongonan si Daud, bahat do angka parporang na tarbarita boti na marpangalaman sian Marga Gad na ro gabe dongan ni si Daud. Angka parporang na malo do halahi mamake parince dohot hujur i, songon singa do idaon puluk-pulukna halahi jana tarsongon ursa lingkasna.

HARURUAR 15:15

Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

JOSUA 15:21

Angka kota na dumao di Selatan na gabe bagian ni Juda, i ma na donok tu parbatasan ni Edom, i ma: Kabseel, Eder, Jagur, Kina, Dimona, Adada, Kedes, Hasor, Jitnan, Zip, Telem, Bealot, Hasor-Hadata, Keriot-Hesron (i ma Hasor), Amam, Sema, Molada, Hasar-Gada, Hesmon, Bet-Pelet, Hasar-Sual, Berseba, Bisiotia, Baala, Iyim, Esem, Eltolad, Kesil, Horma, Ziklag, Madmana, Sansana, Lebaot, Silhim, Ain dohot Rimon, pungu dua pulu sambilan kota sudena, dohot ma i angka luat na humaliangsa.