2 SAMUEL 23:16 - BIBEL JAMITA NA DENGGAN

¹⁶ Disarsar perwira sitolu halak na tarbarita i ma partahanan ni halak Pilistin i, ditimba halahi ma aek sian sumur i, dung i dioban halahi ma i tu si Daud. Hape nada ra si Daud manginumsa; diduruskon ia ma aek i tu tano gabe haul tu Tuhan.

2 SAMUEL 23:16 ပူးပေါင်းရင်းမြစ်များ

PAMUNGKAAN 35:14

Di inganan ni Debata na mandok hata i tu si Jakob, dipajongjong si Jakob ma sada batu parningotan. Jana dibaen ia ma i gabe hapunjungan ni Debata, di na niusehonnia anggur dohot miak zetun di ginjangna i. Songon i ma dibaen ia laho mambaen batu gabe hapunjungan ni Debata.

2 SAMUEL 23:9

Na paduahon ni Triwira i, ia ma si Eleasar anak ni si Dodo, na sian horong Ahohi. Udur do ia dohot si Daud di na mangadopi halak Pilistin na dung marlagut laho marporang. Jadi di na mundur tentara ni Israel i,

1 JUJUR TAON 11:18

Umbege i, kehe ma perwira ni si Daud si tolu halak na tarbonggal i mangaloha parbandaran ni halak Pilistin i, ditimba halahi ma aek sian sumur i lalu dioban halahi tu si Daud. Hape nada giot si Daud manginumsa, diduruskon ia do aek i gabe haul tu Tuhan,

PARJAMITA 4:12

Tartangkis do serangan muda mardalan dua halak sauduran, tapi halak na mamunjung sasahalak mura do ditaluhon. Tolu tali na dipuyu gabe sada, maol do gotapkonon.

ANDUNG 2:19

Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

BILANGAN 28:7

Rap dohot anak ni biri-biri na parjolo, angkon dilehen haul anggur saliter bahatna. Disiramkon ma aek ni anggur i tu ginjang langgatan.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

SURAT NI SI PAULUS TU PARLAGUTAN ROM 5:7

Humopkop halak na tigor pe, maol do jolma ra mate. Anggo humopkop halak na burju betak adong dope jolma na puluk mate.

2 KORINTUS 5:14

Holong ni roha ni Kristus do na mangarajai hami. Jana hami boto do: Muda mate sada halak humopkop halak sudena, paboa na dung mate do sudena halahi.

PILIPPI 2:17

Betak na angkon dohot dope haulkononku pamatangkon pasanggamkon haul na ni haulkonmunu i di bagasan haporsayaanmunu na gok tu Debata. Muda pe angkon songon i, mandok tarimakasi do au tu Debata hara ni i jana dohot ma au marjop ni roha rap dohot hamu.

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”

1 SAMUEL 7:6

Jadi marlagut ma halahi sude di Mispa. Ditimbai halahi ma aek jana diparduruskon halahi ma i gabe songon haul tu Tuhan, jana dipaudut halahi tu na marpuaso tangging sadari i. Didok halahi ma, “Madung mardosa hami tu Tuhan.” (Di Mispa ma dipungka si Samuel pasidungkon angka parkaro parsalisian ni halak Israel.)