2 SAMUEL 23:10 - BIBEL JAMITA NA DENGGAN

¹⁰ anggo si Eleasar laing torus do ia mangalo mangabisi halak Pilistin i lopus loja sajo ia. Jogal tanganna i gabe nada tarpalua ia podangnia i. Dilehen Tuhan do hamonangan godang tu Israel anggo di na sadari i. Mangulahi ma ro tentara ni Israel na mundur nangkin tu inganan ni si Eleasar i mangalo, jana dibukai halahi ma angka baju porang sian bangke na disi.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

Hape anggo si Sama torus do ia mangalo, dimatehon jana ditaluhon ia halak Pilistin i, gabe laing dipartahankon ia ladang i. Songon i ma dibaen Tuhan mangalehen hamonangan na godang i.

2 RAJA-RAJA 5:1

Si Naaman, i ma panglima ni tentara Siria. Holong do roha ni raja ni Siria i mida ia jana diargahon do ia. Harana markite-hite si Naaman, madung dilehen Tuhan hamonangan di tentara Siria. Hape marnyae hulit na jorbut ma si Naaman panglima ni tentara i.

1 JUJUR TAON 11:13

Di paraloan na di Pas Damim marporang ma ia mandongani si Daud mangalo halak Pilistin. Haru madung mamungka paluahon dirina be tentara ni Israel, anggo ia dohot anak buania i laing martahan do di tonga-tonga ni sada kobun burir-burir jana disi ma ia maralo tu angka halak Pilistin i. Jadi laing dilehen Tuhan do hamonangan na godang disia.

MASMUR 108:13

Tapi rap dohot Ho, ale Debata, barani situtu do hami; Ho do na manaluhon musunami.

MASMUR 144:10

Dilehen Ho do hamonangan di angka raja, jana di si Daud naposoMu dilehen Ho do haluaan.

MASMUR 68:12

“Ma pola maporus angka raja dohot paranganna, songon darapati halahi kehe habang.” Di bagas, marbagibagi ma angka dadaboru i perak dohot sere na martadingan i. Haru pe bahat na so dohot marporang, bangso ni Debata do hape na monang.

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

SURAT NI SI PAULUS TU PARLAGUTAN ROM 15:18

Angke nada puluk au mangkobari taringot tu bagi aha pe, asing ni na dikarejohon ni Kristus markite-hite au, anso hupatunduk angka bangso na asing tu pangoloion, markite-hite hata dohot pambaenan,

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

JOSUA 10:10

Dibaen Tuhan ma halak Amori i gabe mabiar so martontu, dung diida halahi halak Israel. Bahat do halak Amori na hona bunu di Gibeon i jana angka na mangolu i dope dikojar ma manuati lereng ni dolok na di Bet-Horon lalu tu Aseka dohot Makeda na di Selatan.

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 11:8

Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.

HAKIM-HAKIM 15:14

Dung lalu ia di Lehi, marlojongi ma angka halak Pilistin i mandapoti ia marsurahi tusia. Tompu ma ia gabe gogo dibaen kuaso ni Tuhan. Dipargotapkon ia ma songon i angka tali panambatnia i songon dia ma rupani tali na mosok.

HAKIM-HAKIM 15:18

Dung i manguas situtu ma dihilala si Simson gabe pio-pio ma ia tu Tuhan. Didok ia ma, “Tuhan, on dope dilehen Ho hamonangan godang on tu au. Saonnari angkon mate manguas noma au lakna, gabe tangkupon ni angka halak Pilistin na so marsunat on ma au?”

1 SAMUEL 11:13

Tapi didok si Saul ma, “Sada halak pe nada tola bunuon di ari sadari on, angke madung dipalua Tuhan Israel di ari sadari on.”

1 SAMUEL 14:23

Marporang ma halahi saginjang ni dalan lopus salpu Bet-Awen. Dipalua Tuhan ma Israel di ari i.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

1 SAMUEL 17:53

Dung i mulak ma halak Israel sian na mangkojar halak Pilistin i, dirampasi halahi muse ma isi ni parbandaran ni halahi i.

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”