2 SAMUEL 22:44 - BIBEL JAMITA NA DENGGAN

⁴⁴ Dipalua Ho do au sian dongan sabangso na durako, dibaen Ho do au gabe parkuaso ni angka bangso. Bangso na so hutanda hian hatiha i, saonnari gabe hatoban di au halahi.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Songon i ma dibaen si Daud umbaen na gabe tarbuat ia roha ni sude halak Juda lopus manongos tona halahi tu raja i, anso mulak mangulahi tu bagas godang rap dohot sude pagawenia.

2 SAMUEL 19:9

Masa ma parsalisian di tonga-tonga ni sude marga ni Israel. Didok halahi, “Raja Daud do na palua hita sian halak Pilistin dohot na paluahon hita sian angka musu na asing, hape saonnari maporus do ia sian si Absalom jana ditadingkon luat on.

2 SAMUEL 20:22

Dung i kehe ma ia jana dipalalu ia ma maksudnia i tu halak kota i. Dung i diponggolkon halahi ma ulu ni si Seba i jana didanggurkon tu si Joab. Dung i diombus si Joab ma sarune, jana kehe ma parangannia i manadingkon kota i mulak tu ingananna be. Kehe ma si Joab mulak tu Jerusalem mangadop tu raja i.

2 SAMUEL 3:1

Sai torus do mardalan parporangan antara ni parangan na mampartahankon horong ni si Saul dohot parangan na manyokong si Daud. Mur margogo ma si Daud, tapi mur gale ma anggo alonia i.

2 SAMUEL 5:1

Dung i marroan ma sude hatobangon ni marga ni Israel mandapotkon si Daud di Hebron mandok tusia, “Ale-ale ni raja i do hami on.

MASMUR 110:6

UhumonNia noma angka bangso, jorbut marragean angka bangke di galanggang ni porang. AbisanNia noma angka parkuaso na di tano on sudena.

MASMUR 18:43

Dipalua Ho au sian bangso na durako, dibaen Ho do au raja ni angka bangso. Bangso na so hutanda nahinan, saonnari madung huparhatoban.

MASMUR 2:8

Pangido ma, gabe sandok bangso ma lehenonKu, lopus sude portibi on gabe nampunamu.

JESAYA 55:4

Hubaen ia gabe pamimpin dohot panglima, saksi ni kuasongKu maradopkon angka bangso.

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

JESAYA 60:12

Bangso na so ra marpangoloion tu ho gabe sisoada do.

JESAYA 65:1

Rade do Au mangajari halak na so manyapai Au. Rade do Au dumpangan ni halak na so manjalahi Au. NingKu do: “Dison do Au, dison do Au” tu bangso na so mamio goarKu.

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

HOSEA 2:23

BaenonKu ma bangsongKu mangolu marsonang-sonang jana hot maringanan di tanona. Tu halahi na margoar ‘Na So Dihaholongi’ patuduhononKu ma bahaso na Huhaholongi do halahi, jana tu halahi na nigoaran ‘Nada BangsongKu’, dokkononKu ma ‘BangsongKu Do Hamu’. Songon on ma alusan ni halahi ‘Ho do tutu Debatanami!’ ”

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

SURAT NI SI PAULUS TU PARLAGUTAN ROM 9:25

Angke didok Debata do di buku ni Panurirang Hosea, “Angka halak na so bangsongKu, goaranKu ma ‘BangsongKu’. Bangso na so Huhaholongi, goaranKu ma ‘Haholongan ni rohangKu’.

PANGARATAION 28:13

Baenon ni Tuhan ma ho gabe pamimpin di tonga-tonga ni angka bangso, jana nada gabe mangihut-ihut. Muda dioloi ho sude parenta ni Tuhan na hulehen tu ho sadari on, sai na manjadi do karejomunu jana nada jungada sundat.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”