2 SAMUEL 22:4 - BIBEL JAMITA NA DENGGAN

⁴ Pio-pio au tu Tuhan sian musungku au marhaluaan. Puji jana hamogahon ma Tuhan i!

2 SAMUEL 22:4 ပူးပေါင်းရင်းမြစ်များ

2 JUJUR TAON 20:22

Di na mamungka marsurak marendei angka parende i, dibaen Tuhan ma hagaoron di tonga-tonga ni tentara ni musu na manyerang i.

NEHEMIA 9:5

Angka halak Levi do na mamungka ibadat di ari i, i ma si Jesua, si Kadmiel, si Bani, si Hasabneya, si Serebya, si Hodia, si Sebanya dohot si Petahya. Didok halahi ma, “Jongjong ma hamu, jana puji ma Tuhan Debatanta! Lehen ma tuSia pujian salolot-lolotna! Nipuji ma goarNa na gok hamuliaan, goar na hebat, na manyalpui sandok pujian!”

MASMUR 106:2

Ise do na tarbaen mamaritahon hagodangan ni pambaenanNia, dohot mangalehen puji-pujian na patut diSia?

MASMUR 116:13

Obanonku ma anggur baen haul di Tuhan mandok tarimakasi hara ni pangurupiNa.

MASMUR 116:17

Obanonku ma haul tarimakasi tu Ho, lalu martangiang ma au tu Ho, ale Tuhan.

MASMUR 116:2

Ditangihon Ia do au, muda pio-pio au tuSia.

MASMUR 116:4

Gabe pio-pio au tu Tuhan, ningku, “Ale Tuhan, hupangido, palua ma au!”

MASMUR 18:3

Pio-pio ma au tu Tuhan na patut sipasangapon. Jadi malua ma au sian angka musungku.

MASMUR 34:6

Pio-pio halak na sapot bagian, dialusi Tuhan do i, jana dipaluaSa sian sasude pardangolanna.

MASMUR 48:1

Na godang do Tuhan jana na tarpuji situtu di Kota Ni Debatanta, di dolokNia na badia.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 55:16

Tapi pio-pio do au tu Debata, paluaon ni Tuhan do au.

MASMUR 56:9

Di ari na pio-pio au tu Ho, ale Debata, sumurut ma musungku hona ayak, angke pos do rohangku tu au do Ho marpihak.

MASMUR 66:2

Endehon jana pagodang ma goarNia, pasangap ma Ia marhite puji-pujian.

MASMUR 96:4

Angke na godang do Tuhan jana na tarpuji situtu do Ia, manyalpui sude debata patut dilehen sangap tuSia.

SURAT NI SI PAULUS TU PARLAGUTAN ROM 10:13

Angke, “Sude halak na mamiohon goar ni Tuhan, i do na giot dipalua.”

HALUMBAAN 4:11

“Ale Tuhan, jana Debatanami, na tama do Ho manjagit puji-pujian, hasangapan, dohot kuaso, angke ditompa Ho do sandok jana markite-hite rohaMu do adong sudena i jana nitompa.”

HALUMBAAN 5:12

Dung i digogoi halahi ma sora ni halahi marende, “Anak Ni Biri-biri na dung nisambol i, Ia do na markuaso; na mora na bisuk jana na gogo; na patut nipasangap, nipagodang jana nipuji-puji!”