2 SAMUEL 22:3 - BIBEL JAMITA NA DENGGAN

³ Tu Debata do au marsilaung jana sonang do au marlindung. Songon parince do Debata manutup au, sonang ma au, dibaen Ia do mangondingi au. Tuhan i do Sipalua di au sian na mangasa gogo gabe malua au.

2 SAMUEL 22:3 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

2 SAMUEL 22:31

Sanggam do pambaenan ni Debata, haposan do sude janjiNa. Songon panapik ni sinjata do Tuhan i di halak na maporus tuSia sandiri.

2 SAMUEL 22:47

O Tuhan ni hangoluan! Nipuji ma Ho na mangampuni au! Pasangap ma Debata na gumogo, sipaluangku!

2 SAMUEL 22:49

Dipalua Ho do au sian musungku dohot sian halak na jahat. Dilehen Ho hamonangan di au maradopkon alongku.

2 SAMUEL 22:51

Mulahulak dilehen Debata hamonangan na marlobian tu raja. Manongtong do holong ni rohaNa tu raja na nipiliNia, tu si Daud maradu pomparanna sapanjangna.

2 SAMUEL 23:3

Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

MASMUR 14:6

Digaor halak na jahat i angka sangkap ni halak na pogos, hape jolma na pogos i do na diurupi Tuhan.

MASMUR 140:1

Palua ma au ale Tuhan, sian halak parjahat, jana salpuhon ma au sian halak na sai mangasahon gogo.

MASMUR 140:11

Ulang padiar panggete-gete mangingani tano on, padiar ma halak na mangasahon gogo diayak-ayak hasusaan lopus mate.

MASMUR 140:4

Ondingi ma au, ale Tuhan, sian kuaso ni halak na jahat, jagohon ma au sian halak na sai mangasahon hagogoan, na sai giot mangago au.

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 144:2

Ia do pangondian dohot na mambela au, parlinggoman dohot na palua au. Ia do pos ni rohangku, muda diSia sonang do au; tunduk dibaen Ia angka bangso tu au.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 27:5

Tuhan do mangondingi au di hatiha parmaraan, mamunihon au di BagasNa, mangabing au tu ginjang ni dolok batu.

MASMUR 28:7

Diondihon jana diampini Tuhan do iba, tuSia ma au marpos ni roha. Diurupi jana dipagodang Ia do rohangku, marmoga-moga hupuji ma Ia mardongan ende puji-pujian.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 32:7

Ho do inganan parsimonjapanku, diondingi Ho do iba sian mara. Gabe marsurak ma au hara ni moga ni roha, dibaen dipalua Ho do antong iba.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:2

Gabe nada mabiar hita, haru pe humutur portibi on, dohot angka dolok marbonoman tu tandolan ni laut.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 5:12

Angke dipasupasu Ho do sanga ise na mangoloi Ho, markite-hite holong ni rohaMu, halahi diramoti Ho.

MASMUR 55:9

Sursari ma ale Tuhan, parkobaran ni musungku, angke huida do na mangasa gogo dohot hagaoran di kota.

MASMUR 59:16

Tapi anggo au huendehon do hagogoanMu; ganop manyogot huendehon do holong ni rohaMu na manongtong i. Angke Ho do inganan pangungsianku, inganan parondingan di au di hamamasa ni susa.

MASMUR 61:3

angke Ho do diau pangondian partahanan na gogo maradopkon musungku.

MASMUR 71:7

Gabe tiruan na denggan do ngolungku di halak na bahat, angke Ho do antong pangondianku na gogo.

MASMUR 72:14

Sian panyosak dohot na mangasa gogo, dipalua ia do halahi, angke arga do disia ngolu ni halahi.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 84:9

Ligi ma parincenami, ale Debata, ligi ma bohi ni na nitodoMu sandiri.

MASMUR 86:14

Ale Debata, jongjong do halak siginjang roha mangalo au, sapunguan halak na kejam giot mamunu au; nada parduli halahi tu Ho.

MASMUR 9:10

Halak na mananda Ho, mararop ni roha tu Ho Tuhan, halak na mangalului Ho nada ra Ho maninggalkon.

MASMUR 9:9

Tuhan do parondingan ni halak na nidondonan, inganan parlojongan di hatiha hasusaan.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

PODA 18:10

Songon palas-palas na togu do Tuhan; tusi do maporus halak partigor anso malua.

PODA 30:5

Digohi Debata do sude janjiNia. Songon parince do Ia di sude na ro marsiholip tuSia.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 16:9

Tangihon tangkas sanga aha na giot dokkononKu tu ho. Au Tuhan Na Markuaso. AntahonKu ma sora jop ni roha dohot hamogaan dohot hariburan ni pesta ni na marbagas. Idaon ni angka jolma na mangolu saonnari do pangalaho i tarjadi.

LUKAS 1:47

marmoga-moga rohangku hara ni Debata Sipatorkiskonku.

LUKAS 1:69

Dilehen Ia do di hita tanduk haluaan, di bagasan pomparan ni si Daud, naposoNia.

LUKAS 1:71

Na giot paluaonNia ma hita sian angka musunta dohot sian kuaso ni halak na magigi mida hita.

PANGARATAION 32:37

Sapaan ni Tuhan ma tu bangsoNia i, ‘Di dia ma he angka debata na niarop ni rohami?

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

TITUS 3:4

Tapi madung dipatuduhon Debata Sipalua hita, holong dohot denggan ni rohaNa tu hita.

TITUS 3:6

Diduruskon Debata do TondiNia i tu hita markite-hite Jesus Kristus i, di hita,

IBRANI 2:13

Didok Jesus dope, “Tu Debata noma Au mararop ni roha.” Jana didok Jesus muse dope, “Dison do Au rap dohot angka dakdanak na nilehen ni Debata di Au.”

1 SAMUEL 2:1

Dung i martangiang ma si Hanna, ning ia ma, “Dipajop Tuhan do rohangku, pambaenanNia do na pasonang tondingku. Huincahi musungku; gabe martua ma au, angke tutu do na dung diurupi Debata au.

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.