2 SAMUEL 22:29 - BIBEL JAMITA NA DENGGAN

²⁹ O Tuhan, Ho do sinondangku Ho do na paorot hagolapanku.

2 SAMUEL 22:29 ပူးပေါင်းရင်းမြစ်များ

2 SAMUEL 21:17

Hape ro ma si Abisai anak ni si Zeruya i mangurupi si Daud. Diroro ia ma raksasa i lalu dibunu ia. Dung intap ni i, dipangidohon parangan ni si Daud i ma anso marjanji ia na so dohot be tu parporangan. “Raja i do arop ni roha ni Israel, ulang jabat magoan hami di raja i,” ning halahi.

1 RAJA-RAJA 11:36

Tapi anggo samarga padiaronKu do disia, anso laing tongtong adong sahalak sian pomparan ni naposongKu si Daud na mamarenta di Au di Jerusalem, kota na Hutodo i baen inganan marsomba tu Au.

JOB 29:3

Matua na sai diurupi Ia ma au, ditorangi Ia di na mardalan di na golap au.

MASMUR 112:4

Marsinondang ma na torang di bagasan hagolapan, di halak na burju, na tigor, parholong dohot paribo.

MASMUR 18:28

Ho do hatiuranku, ale Tuhan Debatangku, Ho do na markuaso di hagolapanku.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 4:6

Miduk do halak na mandok, “O Tuhan, pasupasu ma hami, sai lomo ma rohaMu mida hami.”

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 97:11

Halak na tigor ditorangi sinondang, halak na jujur gok jop ni roha.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.