2 SAMUEL 22:24 - BIBEL JAMITA NA DENGGAN

²⁴ Diboto Ia do au na so mardosa na mandao sian pangalaho na targora.

2 SAMUEL 22:24 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 6:9

On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.

PAMUNGKAAN 7:1

Jadi didok Tuhan ma tu si Noak, “Masuk ma ho tu kapal i rap dohot sude isi ni bagasmu; hum sasada ho ma Huida jolma na satano on na patuluskon hagiotKu.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

MASMUR 17:1

Tangihon au martangiang sian sandok rohangku, ale Tuhan, parate-atehon pio-piongku mangido hatigoran.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.

EPESUS 1:4

Dompak so dijadihon dope portibi on, madung ditodo Debata hian hita markite-hite Kristus anso gabe Debata sandiri nampuna hita jana na so martihas di adopanNia. Hara ni holong ni roha ni Debata,

KOLOSSE 1:21

Najolo dao do hamu sian Debata. Marmusu do hamu tuSia di bagasan parange dohot pikiranmunu na jahat i.

KOLOSSE 1:22

Tapi anggo saonnari madung dipadame Ia hamu di bagasan pamatangNia markite-hite hamatean i, anso badia hamu, nada martihas jana na so sipincangon maradopkon Ia.

IBRANI 12:1

Jadi anggo taringot tu hita, bahat sajo do humaliang hita angka saksi! Hara ni i, sasudena na padokdok hita bope dosa na sai lohot tu hita, tatalgangi ma sudena sian hita. Jana marsitutu ma hita manyalpui parlumbaan na di jolonta.