2 SAMUEL 22:22 - BIBEL JAMITA NA DENGGAN

²² Huoloi do parenta ni Tuhanku, jana na so unjung marbalik au sian Debatangku.

2 SAMUEL 22:22 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

1 RAJA-RAJA 9:4

Muda disomba ho Au mardongan roha na ias songon amamu si Daud jana dioloi ho angka uhum dohot parentangKu,

MASMUR 119:1

Martua ma halak na so targora di ngoluna, jana na mardalan mangoloi Tona Ni Tuhan.

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 128:1

Martua ma halak na mabiar mida Tuhan, jana na mangolu mangihutkon parentaNa.

MASMUR 18:1

Tuhan, Ho do haholongan ni rohangku, Ho do haroroan ni hagogoan di au.

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

PODA 8:32

Tangihon ma au, ale na poso-poso! Ihutkon ma panogu-noguonku anso martua ho.

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

BILANGAN 16:15

Muruk sajo ma si Musa gabe ning ia ma tu Tuhan, “Tuhan, ulang jagit angka silehen-lehen na nihaulkon ni halak on. Nada jungada hurugii sada halak pe sian halahi, sanga halode pe nada jungada hubuat sian halahi.”

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”