2 SAMUEL 22:21 - BIBEL JAMITA NA DENGGAN

²¹ Marupa au dibaen Tuhan, angke tigor na hubaen, hara ni ate-ate na ias, pasupasu tu au dilehen.

2 SAMUEL 22:21 ပူးပေါင်းရင်းမြစ်များ

2 SAMUEL 22:25

Dapotan upa au sian Tuhan, angke tigor nipambaenan nada au marsala, jana torang do i diSia.

1 RAJA-RAJA 3:6

Dialusi si Salomo ma, “Tuhan! Madung dipatidahon Ho basa na holong situtu do rohaMu di damang si Daud naposoMi. Denggan do ia, tigor, bope burju tu Ho. Torus do dipatidahon Ho holong ni roha godang disia. Tangkas do i tarida angke madung dilehen Ho disia sada anak na mamarenta saonnari manggontihon ia.

1 RAJA-RAJA 8:32

o, ale Tuhan, tangihon ma sian banua ginjang jana ho ma manimbang parkaro ni angka naposoMon. Tu angka na marsala baen ma uhuman na patut disia jana tu halak na so marsala, sai palua ma.”

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

MASMUR 19:11

Dung i muse naposoMi diajari ia, upa na godang tu na mangoloi dipasingkop ia.

MASMUR 24:4

Halak na ias di roha dohot pambaenan, na so marsumpa na pargabus sanga na manyomba gana-ganaan.

MASMUR 7:8

Ho do, Tuhan na manguhumi angka bangso, uhumi ma au mangihutkon hatigoran jana tulus ni rohangku.

PODA 11:31

Dapotan upa do di tano on halak partigor. Jadi, pasti dapot uhuman do na jahat dohot pardosa.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

1 SAMUEL 26:23

Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.