2 SAMUEL 21:9 - BIBEL JAMITA NA DENGGAN

⁹ Dipasahat ma halahi tu halak Gibeon, jana rap mate di gantungan ma sipitu halak i di ginjang dolok di adopan ni Tuhan. Di ujung ni musim bunga ma dipadalan uhuman mate i, di na mamungka manggotil jabaure.

2 SAMUEL 21:9 ပူးပေါင်းရင်းမြစ်များ

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

2 SAMUEL 6:17

Dioban ma Poti Parjanjian i masuk jana dipayakkon ma di ingananna di bagasan bandar na dung dipajongjong si Daud inganan ni Poti i. Dung i dihaulkon si Daud ma tu Tuhan haul na nitutung dohot haul haluaan.

2 SAMUEL 6:21

Dialusi si Daud ma, “Manortor pe au na laho pasangapkon Tuhan do, i ma na dung manulak amanta ho maradu koum sisolkotna lalu mamili au gabe pamimpin ni Israel, bangsoNa i. Jadi hara ni i angkon torus do au manortor laho pasangapkon Tuhan i.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

HARURUAR 9:31

Anggo rami na nisuan dohot jawawut sude do sego, dibaen i madung masak jawawut i jana rami i hatiha martunas.

HARURUAR 9:32

Tapi anggo gandum dohot sekoi nada sego harana nada podo musimna.

BILANGAN 25:4

didok ma tu si Musa, “Palagut ma sude pamimpin ni Israel, dung i bunu ma halahi di jolo ni halak na bahat i gabe hatutulus ni parentangKu, anso mintop murukKu tu bangso on.”

PANGARATAION 21:22

“Muda adong sada halak na mate hona uhum hara ni hajahatanna, jana digantung bangkena i di tiang panggantunganna,

RUT 1:22

Songon i ma baritana hamumulak ni si Naomi sian Moab rap dohot si Rut, parumaennia bangso Moab i. Di parlalu ni halahi di Betlehem i, na baru mamungka dope musim panen ni burir-burir.

1 SAMUEL 15:33

Didok si Samuel ma, “Songon podangmi na dung mambaen bahat halak agoan anak, laing songon i muse ma inangmu gabe agoan anak.” Dung i dijaljal si Samuel ma si Agag di jolo ni langgatan na di Gilgal i.