2 SAMUEL 21:22 - BIBEL JAMITA NA DENGGAN

²² Raksasa na opat halak na nibunu ni si Daud dohot parangannia i, i ma pomparan ni raksasa na di Gat.

2 SAMUEL 21:22 ပူးပေါင်းရင်းမြစ်များ

2 SAMUEL 21:16

Ro ma sada halak raksasa na margoar si Jisbibenob. Tombaknia sian loyang adong do marborat tolu satonga kilo. Laing sandang muse podangnia na imbaru jana pos do rohania tarbunu ia si Daud.

2 SAMUEL 21:21

Mangalayasi ma ia tu halak Israel. Jadi hara ni i, dibunu si Jonatan anak ni si Simea angkang ni si Daud i ma ia.

1 JUJUR TAON 20:8

Pomparan ni raksasa na di Gat do sitolu halak na nibunu ni si Daud dohot anak buania i.

MASMUR 108:13

Tapi rap dohot Ho, ale Debata, barani situtu do hami; Ho do na manaluhon musunami.

MASMUR 118:15

Sora ni olop-olop dohot hatuaan marsaringar di undung-undung ni partigori. “Tangan siamun ni Tuhan mambaen hamonangan.

MASMUR 60:12

Rap dohot Ho ale Debata, pir do rohanami, sai Ho ma manaluhon musunami.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JEREMIA 9:23

Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

SURAT NI SI PAULUS TU PARLAGUTAN ROM 8:37

Tapi di bagasan sasudena i, na monang situtu do hita markite-hite Ia na dung mangkaholongi hita!

JOSUA 14:12

Antong, saonnari lehen ma luat na mardolok-dolok na dijanjihon ni Tuhan i tu au di hatiha na mulak au mangalehen barita dohot angka halak na rap dohot au i. Di hatiha i hami paboa do tu ho, bahaso na adong disi bangso raksasa na margoar bangso Enak i. Maringanan di angka kota na godang-godang jana na martembok do halahi. Betak na donganan ni Tuhan do au, gabe bolas usironku halahi morot songon na nidok ni Tuhan i.”