2 SAMUEL 21:15 - BIBEL JAMITA NA DENGGAN

¹⁵ Masa ma porang mangulahi antara ni halak Pilistin dohot halak Israel. Kehe ma si Daud rap dohot parangannia marporang mangalo halak Pilistin. Gabe loja ma si Daud di tonga-tonga ni parporangan i.

2 SAMUEL 21:15 ပူးပေါင်းရင်းမြစ်များ

2 SAMUEL 21:16

Ro ma sada halak raksasa na margoar si Jisbibenob. Tombaknia sian loyang adong do marborat tolu satonga kilo. Laing sandang muse podangnia na imbaru jana pos do rohania tarbunu ia si Daud.

2 SAMUEL 5:17

Dung dibege halak Pilistin na dung dibaen si Daud gabe raja ni Israel, mangaroro ma halahi giot manangkup ia. Tapi tarbege ma i tu si Daud, gabe kehe ia tu benteng.

2 SAMUEL 5:22

Nada sadia honok, ro ma mangulahi halak Pilistin mangingani Rura Refaim i.

2 SAMUEL 5:25

Dipadalan si Daud ma songon na niparentahon ni Tuhan i jana ditaluhon ia halak Pilistin sian Geba lalu tu Geser.

2 SAMUEL 8:1

Dung adong sanga sadia honok dialo Raja Daud ma mangulahi halak Pilistin. Ditaluhon ia ma halahi jana dirampas tanona i.

1 JUJUR TAON 20:4

Nada sadia honok dung i, masa muse ma porang mangalo halak Pilistin di Geser. Di paraloan i dibunu si Sibkai halak Husa ma sahalak raksasa na margoar si Sipai. Jadi gabe talu ma halak Pilistin.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

MASMUR 71:9

Ulang ma ambungkon au di ari ni hatotobangku ulang tadingkon au muda dung abis gogongku,

MASMUR 73:26

Haru pe gabe gale pamatangku dohot rohangku, Ho do ale Debata hagogoonku; hum Ho sajo noma na huporluhon sudena salolot ni lolotna.

PARJAMITA 12:3

Humitir ma tanganmi jana nada be mangalehen pangondian. Patmu na tohong i telduk-telduk ma i so marhagogoan. Iponmu pe ma murak laho mangilkil sipanganon. Matamu homur gabe parambon parnidaan.