2 SAMUEL 21:10 - BIBEL JAMITA NA DENGGAN

¹⁰ Dung i dipahembang si Rispa rading ni si Saul i ma abit goni disia di ginjang batu inganan ni angka bangke i mambustang. Nada morot si Rispa sian i sian na mamungka sabion lopus tu haroro ni udan di musim nonat. Nada diloas ia angka unggas manghahua bangke i muda arian sanga diganggu binatang muda di borngin ni ari.

2 SAMUEL 21:10 ပူးပေါင်းရင်းမြစ်များ

PAMUNGKAAN 40:19

Di bagasan tolu ari on, suruon ni raja i ma halak mamonggol ulumi jana gantungkononna ma pamatangmu di sada tiang, anso dipapangani angka unggas.”

2 SAMUEL 21:11

Di na adong paboahon tu si Daud na nibaen ni si Rispa i,

2 SAMUEL 3:7

Jadi sanoli dituhas si Isboset anak ni si Saul i ma na marcampur si Abner dohot sada rading ni si Saul na margoar si Rispa boru ni si Aya.

1 RAJA-RAJA 21:27

Dung sidung si Elia na mandok hata i, disibakkon si Ahab ma pakeannia lalu digonti ia ma dohot abit goni tanda ni na manyosal ia. Puaso ma ia jana modom pe laing marbaju goni ma ia jana muda mardalan, murhing ma torus bohinia.

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEHESKIEL 39:4

Mate ma si Gog rap dohot angka tentara maradu sude na mandongani ia di ginjang ni angka dolok ni Israel, jana lehenonKu ma angka bangke ni halahi i tu sandok unggas dohot binatang panyoro anso dipapangani.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

JOEL 1:18

Marngiak pahan-pahanan; jana gaor angka lombu angke nada adong be ruput pajampalanna; songon i dohot biri-biri gabe tarsonggot.

JOEL 2:23

Ale rayat ni Sion, marjop ni roha ma hamu! Marmoga-moga jana marsurak-surak ma hamu, hara ni sude denggan basa na sian Tuhan Debatamu! Di hatiha musim gugur tuk dilehen Ia udan di hamu. Di musim ngali diduruskon Ia udan, dohot di hatiha ni sabion laing songon na salpu.

ZAKARIA 10:1

Pangido hamu ma tu Tuhan udan di hatiha pangkuron! Tuhan do na mambaen ronggur manyoro, lehenonNa tu halahi dohot udan tu ganop suan-suanan di ladang.

PANGARATAION 11:14

Muda dibaen hamu songon i, gabe paroon ni Tuhan ma udan tu tanomunu i di hatihana, dung sidung hamu manyabi dohot di na mamungka hamu manyuan. Gabe tuk ma di hamu gandum, anggur dohot miak zetun,

PANGARATAION 21:13

jana margonti pakean. Angkon tinggal di bagasmu do ia, jana marsiluluton hara ni parmate ni simatobangnia sabulan honokna. Dung salpu i, tola ma ia baenonmu gabe ripemu.

PANGARATAION 21:22

“Muda adong sada halak na mate hona uhum hara ni hajahatanna, jana digantung bangkena i di tiang panggantunganna,

PANGARATAION 21:23

nada tola padiaron bangke i disi saborngin i, tapi angkon di na sadari i do i kuburkonon, angke mangalap uhum ni Debata do bangke na gantung di tiang i. Dikuburkon ma bangke i anso ulang dipahodar hamu tano na giot silehenon ni Tuhan Debatamunu i di hamu.

1 SAMUEL 17:44

Pio-pio muse ma ia tu si Daud, “Tole, ro ma ho! Anso hulehen pamatangmi di unggas dohot binatang baen panganonna.”

1 SAMUEL 17:46

Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba