2 SAMUEL 21:1 - BIBEL JAMITA NA DENGGAN

¹ Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

2 SAMUEL 21:1 ပူးပေါင်းရင်းမြစ်များ

PAMUNGKAAN 12:10

Tapi masa do haleon potir di tano Kanaan, jana sun ma hancitna pambaen ni bala i, gabe kehe ma si Abram mur dumao tu Selatan lalu tu tano Mesir, anso disi noma ia jolo maringanan sanga na sadia honok.

PAMUNGKAAN 26:1

Masa muse ma mangulahi haleon di luat i songon na masa di hatiha ni si Abraham. Mangadop ma si Ishak tu si Abimelek raja ni halak Pilistin i di Gerar mangidohon anso dipaloas ia maringanan disi.

PAMUNGKAAN 41:57

Marroan ma halak sian na satano on tu Mesir laho manobusi eme sian si Josep, i ma hara ni santakna haleon potir i di sude inganan.

PAMUNGKAAN 42:5

Hara ni haleon potir na masa di Kanaan, gabe ro ma angka anak ni si Jakob rap dohot halak na asing manobusi eme di Mesir.

PAMUNGKAAN 43:1

Mur jebu ma haleon i di Kanaan,

2 SAMUEL 16:8

Dibuat ho ma antong harajaan ni si Saul. Na dilehen Tuhan do harajaanmi tu anakmu si Absalom. Saonnari pe anso mago ho, pambunu!”

2 SAMUEL 20:26

Malim di bagas godang: Si Ira na sian kota Jair.

2 SAMUEL 21:5

Alus ni halahi, “Anggo giot ni si Saul laho mamusa hami do nian lopus mago hami sian sude Israel.

2 SAMUEL 24:1

Muruk muse ma Tuhan tu Israel, jana disosoi ia ma si Daud laho parohon hasusaan tu bangso i. Didok Tuhan ma tusia, “Pamasa ma jolo pamilangion di Israel dohot Juda.”

2 SAMUEL 5:19

Marsapa ma si Daud tu Tuhan, “Angkon poranganku dehe ulaning halak Pilistin i? LehenonMu do hamonangan di au?” Alus ni Tuhan, “Alo ma! Hulehen pe hamonangan di ho!”

2 SAMUEL 5:23

Dipangido si Daud ma muse panogu-noguon sian Tuhan. Dialusi Tuhan ma, “Ulang alo halahi sian on, tapi dalani ma mamutar jana sian pudi ma alo halahi, di lambung ni harangan ni gaboro i.

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 RAJA-RAJA 18:2

Jadi kehe ma si Elia. Santak ma hatiha i haleon potir di Samaria.

2 RAJA-RAJA 6:25

jadi gabe masa ma haleon potir di bagasan kota i, jabat mararga sada ulu ni halode salapan pulu hepeng perak jana dua ons kotoran ni darapati mararga lima hepeng perak.

2 RAJA-RAJA 8:1

Sanoli diparo Tuhan ma haleon potir di Israel jabat pitu taon honokna. Dompak so masa haleon i, madung dipaboa si Elisa hian tu dadaboru na sian Sunem i, i ma na nipangolunia anakna i mangulahi. Jolo disuru ia do dadaboru i anso bungkas dohot halahi na sabagas tu luat na asing.

JOB 10:2

Ale Debata, ulang ma da au sai pasala. Patorang ma da dialo Ho iba hara ni aha.

MASMUR 27:8

Ho mandok, “Ro marsomba tu Au.” Hualusi do, “Ale Tuhan, manigor ro pe au.”

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

BILANGAN 27:21

Angkon marsapa do si Josua tu si Eleasar jana sapaan ni si Eleasar ma hagiotKu marhite na mamake Urim. Marhite na songon i ma si Eleasar mamimpin si Josua dohot sude bangso Israel di sude parkaro na ro tu halahi.”

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 9:20

Angkon padiaronta do halahi mangolu hara ni na dung tajanjihon; muda nada songon i, uhumon ni Debata noma hita.

RUT 1:1

Di hatiha na markuaso angka Hakim di Israel, masa ma haleon potir di tano Israel. Hara ni i kehe ma sada bayo sian Betlehem di Juda dohot dadaborunia, rap dohot dua anaknia giot tinggal di Moab sanga na sadia lolot.

1 SAMUEL 10:22

Jadi sapa-sapa ma angka jolma i tu Tuhan, “O Tuhan, na dung dison dehe halakna i?” Dialusi Tuhan ma, “Martabuni do ia di balik ni barang-barang.”

1 SAMUEL 23:11

“Tutu dehe barita na hubege i? O Tuhan Debata ni Israel, paboa ma jolo tu au.” Dialusi Tuhan i ma, “Olo, na giot ro ma si Saul.” Dung i disapai si Daud muse, “Pasahaton ni halak kota Kehila on dehe au dohot paranganki tu si Saul?” Dialusi Tuhan i ma, “Olo.”

1 SAMUEL 23:2

Dung i disapai ia ma tu Tuhan, “Angkon kehe dehe au mangalo halak Pilistin i?” ning ia. “Olo,” ninna Tuhan mangalusi, “Alo ma halahi jana palua ma Kehila.”

1 SAMUEL 23:4

Jadi gabe mangido panogu-noguon ma si Daud mangulahi sian Tuhan, jana dialusi Tuhan ma, “Ulang gamang hamu! Roro hamu ma tu Kehila, harana giot pasahatonKu do tentara ni Pilistin i tu hamu.”