2 SAMUEL 20:6 - BIBEL JAMITA NA DENGGAN

⁶ Dung i didok raja i ma tu si Abisai, “Sumusa dope hita baenon ni si Seba ulang pado si Absalom. Antong anggo songon i, oban ma paranganki jana kojar ma si Seba, anso ulang jabat diingani ia angka kota na marbenteng jana malua sian hita.”

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Di na niida ni halak Amon na dung maporus tentara ni Siria i, halahi pe maporus noma sian si Abisai lalu mundur tu bagasan kota i. Dung sidung diporangi si Joab halak Amon i, mulak ma ia tu Jerusalem.

2 SAMUEL 11:11

Dialusi si Uria ma, “Marporang dope tentara ni Israel dohot Juda, jana didongani Poti Parjanjian ni Tuhan do halahi; si Joab panglimanami i dohot angka dongannia na marpangkat-pangkat marbandar di padang-padang i do. Patut ma he songon au mulak tu bagas jana mangan, minum lalu modom dohot dadaboruniba? Hara ni hosa ni raja i dohot hosaniba, nada giot baenonku na songon i!”

2 SAMUEL 18:12

Tapi dialusi bayo i ma, “Haru saribu pe hepeng perak dilehen di au, inda na ra au manghahua anak ni raja i. Sude do hami umbege na niparentahon ni raja i tu tuan i dohot tu si Abisai dohot si Itai, anso ulang adong na mambaen mabugang si Absalom, na poso i, hara ni raja i.

2 SAMUEL 18:2

Dung i dipakehe ia ma halahi marporang di bagasan tolu rombongan; sarombongan be ma dipimpin si Joab, si Abisai anggi ni si Joab i dohot si Itai na sian Gat. Didok raja i ma tu tentarania i, “Au pe laing dohot do kehe rap dohot hamu.”

2 SAMUEL 19:7

Jongjong ma nian sugari raja i jana haruar laho pasonangkon roha ni tentara ni raja i. Husumpahon ma mangasahon Tuhan, anggo na so haruar do raja i, laing di bagasan borngin on nada adong be hum sahalak pe na mandongani raja i. I dope parmaraan na jumorbut sialaman ni raja i salolot mangolu.”

2 SAMUEL 2:18

Disi do anak ni si Zeruya na tolu i, i ma si Joab, si Abisai dohot si Asael. Parlojong ni si Asael songon hipas ni hije.

2 SAMUEL 21:17

Hape ro ma si Abisai anak ni si Zeruya i mangurupi si Daud. Diroro ia ma raksasa i lalu dibunu ia. Dung intap ni i, dipangidohon parangan ni si Daud i ma anso marjanji ia na so dohot be tu parporangan. “Raja i do arop ni roha ni Israel, ulang jabat magoan hami di raja i,” ning halahi.

2 SAMUEL 23:18

Si Abisai, anak ni si Joab anak ni si Zeruya i, i ma pamimpin ni “Tridasawira” na tarbarita i. Jungada do dimatehon ia tolu ratus halak dohot tombaknia.

2 SAMUEL 3:30

Songon i ma dibaen si Joab dohot anggina si Abisai palalu hosomna tu si Abner hara ni na nibununia si Asael anggi ni halahi i di parporangan na di Gibeon.

2 SAMUEL 3:39

Haru pe au on raja na nipili ni Debata, gale do pangkilalaanku sadari on. Makejamtu do angka anak ni si Zeruya on. Inda tuk gogongku mangatasi halahi. Sai Tuhan ma na manguhumi angka parjahat on, marguru tu pambaenan ni halahi i!”

1 RAJA-RAJA 1:33

didokkon raja i ma tu halahi, “Pio ma sude angka naposo ni tuanmunu on, kehe ma hamu rap dohot halahi pajuguk si Salomo anakki tu ginjang ni halodengku sandiri, dung i oban ma ia tu mual ni Batang aek Gihon.

1 JUJUR TAON 11:20

Si Abisai anggi ni si Joab do pamimpin ni “Tridasawira” na tarbonggal i. Jungada do dibunu ia tolu ratus halak dohot tombaknia. Jana sian Tridasawira i, ia ma na umbonggalna,

1 JUJUR TAON 18:12

Di Rura na Ancim, talu do halak Edom dibaen si Abisai tubu ni na margoar si Zeruya. Dibunu si Abisai disi salapan bolas ribu halak Edom.

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

MARKUS 3:24

Muda so adong hasadaon di sada harajaan, sai marbadai rayat sama rayat disi, na giot maronco ma harajaan i.

1 SAMUEL 26:6

Dung i disapai si Daud ma si Ahimelek halak Het i, dohot si Abisai, anggi ni si Joab. (Si Zeruya do inang ni halahi), “Ise do na puluk masuk rap dohot au tu bagasan bandar ni si Saul i?” Dialusi si Abisai ma, “Au ma i!”