2 SAMUEL 20:21 - BIBEL JAMITA NA DENGGAN

²¹ Nada songon i anggo rohanami. Tapi adong sada bayo na margoar si Seba pompar ni si Bikri, na marasal sian luat na di partoran Efraim na mambaen paraloan tu Raja Daud. Pasahat ma bayo i, anso kehe au mundur sian kota on.” Didok anakboru i ma, “Hami danggurkon pe ulu ni bayo i tu tuan i sian tembok on.”

2 SAMUEL 20:21 ပူးပေါင်းရင်းမြစ်များ

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 SAMUEL 20:2

Dung i markehean be ma antong halak Israel i manadingkon si Daud jana diihutkon halahi si Seba. Tapi anggo halak Juda tongtong do burju mangudurkon si Daud sian Batang aek Jordan lopus tu Jerusalem.

2 SAMUEL 20:20

“Nada” ninna si Joab mangalusi, “nada adong saotik pe maksudku laho manyegohon sanga mangaroncohon kotamunu on!

2 SAMUEL 23:18

Si Abisai, anak ni si Joab anak ni si Zeruya i, i ma pamimpin ni “Tridasawira” na tarbarita i. Jungada do dimatehon ia tolu ratus halak dohot tombaknia.

1 RAJA-RAJA 11:26

Halak na asing na mangalo tu si Salomo, i ma sada halak pagawenia na margoar si Jerobeam. Anak ni si Nebat sian Zareda na di Efraim do ia. Madung mabalu anggo inangnia, na margoar si Zerus.

2 RAJA-RAJA 10:7

Dung dijagit halahi surat ni si Jehu i, dibunu angka pangituai ni masarakat i ma anak dohot pahompu ni si Ahab sipitu pulu halak i, dipamasuk halahi ma angka uluna i tu karanjang jana ditongos halahi ma tu si Jehu di Jisreel.

2 RAJA-RAJA 5:22

Dialusi si Gehasi ma, “Santabi tuan, na disuru do au mandok tu tuan i, on dope ro dua halak panurirang sian luat partoran Efraim. Jana hupangido tu tuan i, anso dilehen tolu ribu hepeng perak dohot dua pasang pakean na jeges di panurirang na dua i.”

JEREMIA 4:15

Sian kota Dan, dohot sian Dolok Efraim madung marroan angka suruan na maroban barita na jat.

JEREMIA 50:19

PaulahonKu noma halak Israel tu tano ni halahi. Panganon ni halahi ma suha ni tano na sian Dolok Karmel dohot tano Basan. Butongan ma halahi marhite suha ni tano na sian Luat Efraim dohot Gilead.

JOSUA 24:33

Dung i marujung muse ma ngolu ni si Eleasar anak ni si Harun jana dikuburkon di Gibea, i ma sada kota na di luat partoran Efraim. Madung dilehen kota i tu si Pinehas anak ni si Eleasar.

HAKIM-HAKIM 2:9

Di tanonia sandiri do ia dikuburkon, i ma di Timnat-Heres na di partoran Efraim di Utara ni Dolok Gaas.

HAKIM-HAKIM 7:24

Dohot tu sude partoran Efraim ditongos si Gideon do barita pio-pio on, “Beta ma manuat hita mamorangi halak Midian. Partahankon hamu ma Batang aek Jordan dohot angka anak ni batang aek lopus tu Bet-Bara. Ulang paloas hamu halak Midian taripar sian i.” Jadi diarahon ma angka halak Efraim, dipartahankon halahi ma Batang aek Jordan dohot sude anak ni batang aek lopus tu Bet-Bara.

HAKIM-HAKIM 9:55

Di na niida ni halak Israel na dung marujung ngolu ni si Abimelek, mulak ma halahi sudena.

1 SAMUEL 24:6

Tapi dung salpu, songon na sala do tu pangkilalaannia dung dibaen ia songon i.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.