2 SAMUEL 20:19 - BIBEL JAMITA NA DENGGAN

¹⁹ Godang do kota Abelnami on – on ma sada kota na dumame dohot na tigor di tano Israel. Biasi giot roncohonon ni tuan i kota on? Na por dehe rohamu manyegohon tano ni Tuhan?”

2 SAMUEL 20:19 ပူးပေါင်းရင်းမြစ်များ

PAMUNGKAAN 18:23

Dipadonok si Abraham ma mandapotkon Tuhan jana marsapa ma ia, “Tutu dehe lakna na giot abiskononMu halak na so marsala rap dohot halak na marsala?

2 SAMUEL 14:16

Anggo hupikir tangihonon jana paluaon ni raja i do au sian halak na marusaho giot mamunu au, dohot anakki. Na giot paorot hami sian tano na nilehen ni Debata tu bangsoNa on do maksud ni halahi.

2 SAMUEL 17:16

Didok si Husai ma, “Ompoti ma! Paboa ma tu si Daud anso ulang marborngin ia di panariparan ni batang aek na di halongonan i. Angkon tariparannia ma manigor Batang aek Jordan. Anggo inda songon i maropuk ma ia dohot tentarania i baenonna.”

2 SAMUEL 20:18

Didok anakboru i ma, “Anggo najolo somalna songon on do didok halak, ‘Muda porlu di ho panogu-noguon, kehe ma ho tu kota Abel,’ – jana songon i do tutu dibaen halahi.

2 SAMUEL 20:20

“Nada” ninna si Joab mangalusi, “nada adong saotik pe maksudku laho manyegohon sanga mangaroncohon kotamunu on!

2 SAMUEL 21:3

jana disapai ia ma tu halahi, “Aha do na tarbaen au di hamu? Sai giot tobusonku do nian hasalaan na dibaen maradopkon hamu, anso mamasumasu hamu tu pusako ni Tuhan.”

1 RAJA-RAJA 8:53

Sian sude bangso madung dipili Ho halahi gabe bangsoMu sandiri, songon na dung didokMi marhite naposoMu si Musa, di hatiha ditogu Ho ompungnami haruar sian Mesir.”

MASMUR 106:5

Anso laing huida nian sonang halakMi, jana marjop ni roha au rap dohot bangsoMi. Anso laing bangga jana sonang rohangku dohot halak na gabe bangsoMu.

MASMUR 124:3

madung hona bondut hian hita mangolu-olu, hara ni muruk ni roha ni halahi mida hita.

MASMUR 33:12

Martua ma bangso na mangoku Tuhan gabe Debatana, martua ma bangso na hona todo gabe bangsoNia!

MASMUR 78:71

Dipiohon do ia sian parmahanan biri-birinia, laho marmahani Israel bangsoNia.

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

ANDUNG 2:16

Margoyak ni roha sude musumu mangida bohimi, dipartatai halahi do ho jana disurahi. Didok halahi, “Ma pola hami luntak kota i! Ujungna dapot ma hatiha na hami painte i!”

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

ANDUNG 2:5

Gabe tudos tu musu do Tuhan; dilibas Ia Israel lopus mardabuan. Dironcohon Ia angka benteng dohot bagas godang, jana diparo Ia pardangolan tu halak ni Juda.

BILANGAN 16:32

lalu mamondut halahi rap dohot keluarga ni halahi dohot sude na mangihutkon si Korah dohot arta ni halahi.

BILANGAN 26:10

Tano i pe mabola jana talak ma mamondut halahi, mate ma halahi, si Kora dohot dongannia di na ro api manutung pola 250 halaklahi na mate i. Gabe parningotan ma i di halak Israel.

1 KORINTUS 15:54

Muda dung dipake pamatang na ra mate do pamatang na so ra mate i jana pamatang na sian portibi on mamake pamatang na sian banua ginjang i, baru ma anso tarjadi disi na tarsurat di bagasan Buku Na Badia i na mandok, “Madung dipangabis hamatean; madung dapot hamonangan!”

2 KORINTUS 5:4

Salolot di bandar on hita maringanan, sai holsoan do hita hara ni dokdok ni pananggunganta. Nada hara ni na por rohanta malua sian pamatangta na sian tano on, tapi hara ni na lungun do rohanta laho manyolukkon pamatang na sian banua ginjang i tu na parjolo i anso dibondut hangoluan i pamatangta na ra mate on.

PANGARATAION 20:10

Muda kehe hamu mamorangi sada kota, jolo lehen hamu ma hatiha di halak kota i laho tunduk.

PANGARATAION 32:9

Hape anggo pompar ni si Jakob on dipili Tuhan diSia sandiri antong.

1 TIMOTEUS 2:2

hara ni angka raja dohot hara ni sude halak na maniop kuaso. Tapangidohon ma anso tarbaen hita mangolu marsonang-sonang di Debata mardongan pangalaho na tama.

HAKIM-HAKIM 5:7

Mangalungun do angka kota ni Israel lopus ro ho, ro ho, Debora gabe ina di tano Israel.

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.