2 SAMUEL 20:16 - BIBEL JAMITA NA DENGGAN

¹⁶ Adong do di kota i sada anakboru na bisuk. Jongjong ma anakboru i di ginjang ni tembok lalu manggora-gora ma ia, “Tangihon! Tangihon! Pangido hamu ma anso ro si Joab tuson; giot mangkobari au dohot ia.”

2 SAMUEL 20:16 ပူးပေါင်းရင်းမြစ်များ

2 SAMUEL 14:2

jadi gabe disuru alap ia ma sada anakboru na pistar na maringanan di Tekoa. Dung lalu anakboru i, didok si Joab ma tusia, “Angkon baenonmu tarsongon na marsak-marsak ho; pake ma pakean siluluton jana ulang pake miak na huskus. Baen ma songon sada anakboru na dung lolot tangis hara ni parmate ni haholongan ni rohana.

2 SAMUEL 20:17

Dung i ro ma si Joab jana disapai anakboru i ma tusia, “Tuan i dehe si Joab?” “Olo,” ning ia mangalusi. Didok anakboru i ma, “Tangihon ma na hudokkon on, tuan.” “Hutangihon pe,” ning si Joab mangalusi.

2 SAMUEL 20:22

Dung i kehe ma ia jana dipalalu ia ma maksudnia i tu halak kota i. Dung i diponggolkon halahi ma ulu ni si Seba i jana didanggurkon tu si Joab. Dung i diombus si Joab ma sarune, jana kehe ma parangannia i manadingkon kota i mulak tu ingananna be. Kehe ma si Joab mulak tu Jerusalem mangadop tu raja i.

DANIEL 2:14

Jadi didapotkon si Daniel ma si Ariokh, pamimpin ni pangawal ni raja i na ditugaskon mambunu angka na pistar.

1 SAMUEL 25:3

Goarnia i ma si Nabal – si Abigail do goar ni dadaborunia. Na malo do si Abigail boti jeges. Hape anggo si Nabal, kasar do tabiatnia, jana jatjat do pangalahona. Sian horong ni si Kaleb do ibana.