2 SAMUEL 20:15 - BIBEL JAMITA NA DENGGAN

¹⁵ Tarbege ma tu parangan ni si Joab na di kota i si Seba, lalu dihobuk halahi ma kota i. Ditimbun halahi ma tano humaliang tembok parruar jana dipungka muse ma manghuar di toru ni tembok i laho mangunggalkonsa.

2 SAMUEL 20:15 ပူးပေါင်းရင်းမြစ်များ

2 SAMUEL 20:14

Ma pola dibolus si Seba sude luat ni marga ni Israel, dung i lalu ma ia di kota Abel-Bet-Maaka, diihutkon sude na marmarga Bikri.

1 RAJA-RAJA 15:20

Tumbuk do tu roha ni si Benhadad hatana i lalu disuruhon ia ma angka perwirania rap dohot pasukan ni halahi mamorangi angka kota ni Israel. Ditaluhon halahi ma Ijon, Dan, Abel Bet-Maaka dohot sude tano donokkon ni Dano Galilea maradu sude Luat Naftali.

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

2 RAJA-RAJA 19:32

“Songon on ma na nidok ni Tuhan taringot tu raja Asur, ‘Nada tarmasuhi ia kota i sanga manembakkon sada pana pe adop kota i. Jana umpe sahalak angka parangan na marparince i na mandonohi kota i, jana nada baenonna inganan pangkobuhan humaliang ni kota i.

PARJAMITA 9:14

Adong ma sada kota na menek, otik do halakna. Sanoli ro ma sada raja na sangap mamorangi kota i. Dihobuk ia ma kota i jana marhobas ma ia laho mangarumpakkon tembokna i.

JESAYA 37:33

On ma na nidok ni Tuhan salaho tu raja Asur: ‘Nada masuhannia anggo kota i sanga manembakkon sada anak ni pana pe adop kota i. Sian tonga-tonga ni angka tentara na maniop parince nada adong sahalak pe na giot mandonohi kota i, jana humaliang kota i pe nada giot pajongjongonna tuhu-tuhu laho manghobuk kota i.

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 33:4

Au Tuhan, Debata ni Israel mandok, na giot hobuhon ma anggo kota Jerusalem jana disaroso lopus marumpak bagas godang ni raja Juda dohot angka bagas na di kota i.

JEREMIA 6:6

Songon on ma hata ni Tuhan Na Markuaso i, “Taba ma sude hayuna i, jana timbuni ma tano manghobuk Jerusalem, i ma kota siuhumon, angke hum hajahaton noma di kota on.

JEHESKIEL 4:2

Dung i gombarkon ma sada panghobuhan maradopkon kota i, dohot sude bondar, angka tano timbun, angka undung-undung dohot parkokas laho mangonjar humaliang tembokna i.

LUKAS 19:43

Saulahon ro do hatihana, baenon ni angka musumu ma rungga humaliang ho, hobuhon ni halahi ma ho jana sosahanna ma ho humaliang.