2 SAMUEL 20:13 - BIBEL JAMITA NA DENGGAN

¹³ Dung dipaduru bangke i sian dalan i, sude ma halak torus mardalan mangihutkon si Joab laho mangkojar si Seba.

2 SAMUEL 20:13 ပူးပေါင်းရင်းမြစ်များ

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 SAMUEL 20:11

Jongjong ma sada halak tentara ni si Joab di lambung ni bangke ni si Amasa i jana pio-pio, “Sanga ise na mamihak tu si Joab dohot si Daud, diihutkon ma si Joab!”

2 SAMUEL 20:14

Ma pola dibolus si Seba sude luat ni marga ni Israel, dung i lalu ma ia di kota Abel-Bet-Maaka, diihutkon sude na marmarga Bikri.

2 RAJA-RAJA 18:17

Tapi laing disuru raja Asur dope sian Lakis sada pasukan sibahat-bahat laho mamorangi Jerusalem. Pasukan i na nipimpin ni tolu halak soridadu, i ma panglima parhobas ni siinumon dohot kapala pangawal ni raja. Lalu ma halahi tu kota i jana diingani halahi ma dalan na margoar Ladang Panyucian di lambung ni undung-undung hapuasan ni aek na sian tobat parginjang.

PODA 16:17

Pasimbil hajahatan i do dalan na tutu, sanga ise na manjago dalanna, i do manjagohon hosana.

JESAYA 36:2

Dung salpu i, disuru ia ma angka pangarajai inumon sian Lakis tu Jerusalem mardongan tentara na bahat laho manyosak Raja Hiskia anso tunduk. Lalu ma halahi di kota i maringanan ma halahi donok tu bondar ni tobat parjulu di dalan godang tu Padang Tukang Dobi.

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

JESAYA 7:3

Didok Tuhan ma tu si Jesaya, “Oban ma anakmu si Sear Jasub jana dapotkon ma Raja Ahas. Dapotonmu ma ia di ujung ni bondar dalan ni aek na tu sumur parginjang i.

JEREMIA 31:21

Baen ma tanda ni dalan, jana baen ma parningotan jalahi ma dalan na nibolusmu hian. O ale Israel, mulak ma ho! Ulahi ma mangingani angka kotamu humani.

BILANGAN 20:19

Didok halak Israel i ma, “Sian dalan na godang i pe hami tongtong, muda adong sian hami sanga pahan-pahanannami minum aekmunu i hami garari pe. Hum mamolus sajo pe hami.”

MARKUS 10:46

Lalu ma halahi di Jeriko. Jadi dung laho kehe Jesus rap dohot angka anak siseanNia i, songon i dohot halak na bahat i, adong ma sada halak na mapitung juguk di topi dalan i mangido-ido. Si Bartimeus do goarna, i ma anak ni si Timeus.

HAKIM-HAKIM 21:19

“Antong,” ning halahi ma, “adong do dapot dalan di Pesta Taonan tu Tuhan sanoli on di Silo.” (Di sabola Selatan ni Silo on, adong do kota na margoar Betel, jana di Hasundutanna muse do dalan godang ni Betel tu Sikem, jana di Utarana muse i ma kota Lebona.)

1 SAMUEL 6:12

Mamolus ma antong lombu i tu Bet-Semes; marmoak ma lombu i lalu torus mardalan so pola manyirpang tu siambirang sanga tu siamun. Torus do raja ni halak Pilistin na lima i paihut-ihut lombu i lopus tu batas ni Bet-Semes.