2 SAMUEL 20:12 - BIBEL JAMITA NA DENGGAN

¹² Payak di tongan dalan i ma bangke ni si Amasa na margulu mudar i. Diida tentara ni si Joab sinangkin ma, sai maradian sude na mamolus disi. Jadi hara ni i, disarat ia ma bangke i tu ladang i jana ditutupi ia dohot ulos.

2 SAMUEL 20:12 ပူးပေါင်းရင်းမြစ်များ

2 SAMUEL 17:25

Madung diangkat si Absalom, si Amasa gabe kapala ni tentara manggontihon si Joab. Si Amasa, i ma anak ni si Jitra halak Israel; inangna margoar si Abigail boru ni si Nahas, i ma pareban ni si Zeruya inang ni si Joab.)

2 SAMUEL 2:23

Jadi dibaen nada ra si Asael maradian, dihuatkon si Abner ma tu pudi tombaknia jana hona susuk ma butuha ni si Asael lopus taripar tombak i tu tangguruna i. Tinggang ma si Asael jana mate laing di inganan i. Maradian ma disi sude halak na marroan tu inganan hapayahannia i.

2 SAMUEL 20:11

Jongjong ma sada halak tentara ni si Joab di lambung ni bangke ni si Amasa i jana pio-pio, “Sanga ise na mamihak tu si Joab dohot si Daud, diihutkon ma si Joab!”

2 SAMUEL 20:13

Dung dipaduru bangke i sian dalan i, sude ma halak torus mardalan mangihutkon si Joab laho mangkojar si Seba.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.