2 SAMUEL 20:11 - BIBEL JAMITA NA DENGGAN

¹¹ Jongjong ma sada halak tentara ni si Joab di lambung ni bangke ni si Amasa i jana pio-pio, “Sanga ise na mamihak tu si Joab dohot si Daud, diihutkon ma si Joab!”

2 SAMUEL 20:11 ပူးပေါင်းရင်းမြစ်များ

2 SAMUEL 20:12

Payak di tongan dalan i ma bangke ni si Amasa na margulu mudar i. Diida tentara ni si Joab sinangkin ma, sai maradian sude na mamolus disi. Jadi hara ni i, disarat ia ma bangke i tu ladang i jana ditutupi ia dohot ulos.

2 SAMUEL 20:13

Dung dipaduru bangke i sian dalan i, sude ma halak torus mardalan mangihutkon si Joab laho mangkojar si Seba.

2 SAMUEL 20:21

Nada songon i anggo rohanami. Tapi adong sada bayo na margoar si Seba pompar ni si Bikri, na marasal sian luat na di partoran Efraim na mambaen paraloan tu Raja Daud. Pasahat ma bayo i, anso kehe au mundur sian kota on.” Didok anakboru i ma, “Hami danggurkon pe ulu ni bayo i tu tuan i sian tembok on.”

2 SAMUEL 20:4

Didok si Daud ma tu si Amasa, “Palagut ma sude halak Juda, jana ro ma ho tuson rap dohot halahi di bagasan tolu ari.”

2 RAJA-RAJA 9:32

Mandorgak ma ia manatap tu jandela i jana didok ia ma, “Ise dehe na mamihak tu au?” Adong ma dua tu tolu halak pagawe ni bagas godang i manaili tu toru sian jandela i.